Tsiq eeq 24
Seiq leiq khaoqsail eeq nail Heeqphaq
1 Miltsaq thaoq khaol bhoiq bhoiq luv luv
khal doevq khal jaol nail iqsanl mail
Heeqphaq Miqyail nail pevq nail ngaol.
2 Iqyaq iqma nail lavqkhoel nee
daoqthaoq thaoq dav nail nee ovqtavq
ulcuvq aqnavq nail lavqkhoel nee iqsanl
cov dav nail ngaol.
3 Heeqphaq Miqyail nail gaoqjaoq bhai
ya dav lai nail khaq sil gaq jaol khi
aivq nail meeq nail haol nail
jaol duq lavqkhoel bhai
ya thul phaol lai nail khaq sil gaq jaol nail-aiq.
4 Aqlavq khi mail neema haol nail
thaoq phaoq aqma maolkhoel bhai
uqhuq maq thaoq nail
maq tsaq nail salkhil maq khanq nail
5 al heel nail tsaol-aq bhai neq
Heeqphaq Miqyail geeqlaoq bivq khi
oeqbal maq aol nail gaq pevq nail ganl
aivq ge gaiq bhi nail nee ovqtavq
hevq kovq bhiq nail ngaol.
6 Tsaol-aq al juq neq
Yaqkov nail Miqyail bhai hal pov khi
uqhuq thaoq nail juq ngaol.
7 Lol gov gov ma juq-ol, phao ha-ai thaq yaoq.
Gaq-u khe lolgov gov yaq juq-ol phao yaoq.
Seiq leiq khaoqsail eeq nail Heeqphaq
bhi aol lee yaoq.
8 Seiq leiq khaoqsail eeq nail Heeqphaq neq
khaq sil gaq.
Gaq kav dee dee khi genl dev gaq-a nail
bhaqaoq eeq nail Heeqphaq Miqyail ngaol.
9 Lol gov gov ma juq-ol, phao ha-ai thaq yaoq.
Aq-u khe lolgov gov yaq juq-ol phao yaoq.
Seiq leiq khaoqsail eeq nail Heeqphaq
bhi aol lee yaoq.
10 Seiq leiq khaoqsail eeq nail Heeqphaq neq
khaq sil gaq.
Nqtavq kovtavq khe genl dev nail
munl munl ma nail kovtavq bhai
bhaqaoq eeq nail Heeqphaq Miqyail ngaol.