Kwaan myaan Dios lo David
Kwaan nzholl xaa leezha nya xaa yidoo.
132
Xaa Tubka Nak,
selazh David
nu re yalnales kwaan mded xaa.
2 Mcheroo xaa lo Xaa Tubka Nak
nu myaan xaa kwaan Dios cheen Kob,
Xaa Nkano Dubse Yalnabeyy:
3 “Nazeebt na leen li na,
nixa nik tub rat nalet na deskans;
4 natiibt na garlo na,
nixa nagaat na mkaal,
5 axtaka yizhal na tub pa yo Xaa Tubka Nak
nu axtaka yizhal na tub pa yo Dios cheen Kob,
Xaa Nkano Dubse Yalnabeyy.”
6 Naz Efrata mzo nu mbin nu kwent cheen kaj cheen trat;
nguzhal nuya yizhyo Yagar.a
7 Chaa ya re be garli xaa;
Nu kichyek nu axta nii xaa.
8 Xaa Tubka Nak te pa yo lu nal,
lu nu kaj cheen trat kwaan nkano yalnabeyy.
9 Lee re ngwleyy cheen lu le re kwaan nali
nu re xaa lu,
xaa nali nak,
gak nix lextoo.
10 Kwent cheen David xaa nak xmos lu,
zee nazeret lu tich lu lo re xaa mleey lu.
11 Wlipa Xaa Tubka Nak myaan kwaan David tub mod nali
nu nacheet xaa xtizh xaa:
“Xtii lu zob na nabeyy xlugar lu,
12 chelee re xinn lu kozhaw kwaan myaan na
nu xley na kwaan seed na xaa,
zee noka re xinn xinn lu,
zob nabeyy xlugar lu tira.”
13 Nel Xaa Tubka Nak mleey Jerusalén;
xgab cheen xaa nak yo xaa baa:
14 “Kwaane gak tira paro kwaz na deskans;
nee yoo na nabeey na,
nel sbaa nzhekla na.
15 Le na zee yo zyen doo kwaan gaw xaa,
zee yizhe lextoo re xaa prob.
16 Sbaa re xngwleyy na kano yalnaban
nu re xaa na,
xaa nali nak,
gool kwaan yalnix.
17 Baa le na rexonn yalnabeyy cheen David
nu za na xni lo xaa mleey na.
18 Nu lee re xaa nayii ne xaa ton
nu lee koron kwaan nzob yek David la xni.”