1 John
Nuntakna Thu
1
1 A tunga omsa,
kote in ka zaksa uh,
ka mit uh tawh ka muhsa uh,
en-a ka khut uh tawh ka lawnsa uh,
hih nuntakna Thu tawh kisai kong tangko uh hi.
2 Tua nuntakna hong kilang zo a,
kote in mu khinin teci ka pang uh a,
Pa tawh a om khawm ko kianga hong kilak tua nuntak tawntungna no tungah kong tangko uh hi.
3 Note zong kote tawh na kipawl theih nadingun,
ka muhsa uh le ka zaksate uh no tungah kong tangko uh hi.
Kote kipawlna ahileh Pa le ama Tapa Jesu Christ tawh kipawlna ahi hi.
4 Ka aa lungnopna uh a kicin nadingin hih lai kong gelh uh hi.
Khuavak sunga Kalsuanna
5 Ama tung panin za-a,
no tungah kote hong pulak thupuak in:
Pasian,
khuavak hi-a;
ama sungah khuamial a om peuhmah kei hi.
6 Eite amah tawh i kipawl hi,
ci napi in khuamial sungah i kalsuan lai leh zuauphuak i suaka,
thutaka nungta lo i hi hi.
7 Ahi hangin khuavak sungah i kalsuan leh amah khuavak ahi mah bangin eite khat le khat i kipawla,
ama Tapa Jesu sisan in i mawhna khempeuh bb panin hong siansuah hi.
8 Mawhna ka nei kei hi,
i kicih leh ei le ei kikhem i hi a,
eite sungah thutak a om kei hi.
9 Eite in i mawhnate i pulak leh i mawhnate hong maisakin i thumaanlohna khempeuh hong siangsak dingin amah muanhuai-in a thutang hi.
10 Eite in mawhna ka bawl kei hi,
i cihleh amah zuauphuak i suaksak a,
i nuntakna sungah ama thu a om kei hi.