1 John
Thupatna
John Khatna, Nihna, Thumna-te a it nungzuipa John gelh hi a, lungdamnathu a lina zong ama gelh ahi hi. Laibu lite a vekin AD 90 pawla a gelh hi thei ding hi.
John laikhak masa pen amaute lamkhialhpih a sawm a lauhuai sia zuaute thu ah Christian-te a vauhilhna-a a gelh ahi hi. Hih siate in Jesu, Christ hi loin Pasian Tapa zong hi lo hi, ci-in hilh uh hi. Amaute in Pasian mihing suak lo, ci uh hi. John in Christian-te tungah lai a gelhna pen Jesu Christ pen Pasian le mihing hi khawm hi cih thei a a up ding uh thupi mahmah sa-a a genna ahi hi.
John in hih Christian-te Christ a upna uah khauhtakin kip a khat le khat a ki-it tawntung nadingun zong hanthawn hi. Amah in a maute khat le khat ki-it a, Pasian’ thupiakte a man uh leh amaute Pasian tate ahih lam uh kithei ding uh hi, ci hi.
Athute tomlahna
Thupatna (1:1-4)
Khuavak ah lampai (1:5-2:29)
I nuntakna, itna dim pelmawh ding (3:1-4:21)
Lunghimawhnate pan upna le suahtakna (5:1-12)
Thukhupna (5:13-21)