Moses Sangin Jesu Lianzaw
3
1 Tua ahi manin vantung-lam sapna a ngah a siangtho sanggamte aw,
eite in i pulak tua sawltakpi le tulpi Jesu tungah na ngaihsutnate uh kipsak un.
2 Pasian inn sung khempeuh ah Moses a muanhuai bang tektekin amah a sehpa tungah amah a muanhuai hi.
3 Inn sangin a lampa in pahtawina a ngah zawk bang tektek in Moses sangin Jesu in pah tawina thupizaw a ngah ding kilawm hi.
4 Ahang in,
inn peuhmah a lam mi khat om a,
ahi hangin na khempeuh a lam Pasian ahi hi.
5 Moses pen mailam a kigen ding thute teci a pang,
Pasian innkuan sung khempeuh ah nasem muanhuai ahi hi.
6 Ahi hangin Pasian innkuan tungah Christ tapa muanhuai ahi hi.
Eite in i hanna le i kisialhpih tua lametna i letkip suak leh ama innkuan i hi hi.
Uplohna Hangin Vauhilhna
7 Tua hi-a,
Khasiangtho in:
"Tu ni-in ama aw na zak uh leh,
8 gamlak a zia-etna hun sungin
na lehdo lai bangun,
na lungtang uh khauhsak kei un.
9 Tua lai-ah na pate un kei hong zia-et in hong sin uh a
kum sawmli sung ka hihte a mu uh hi.
10 Tua khang tungah ka heh a,
tua ciangin,
‘Amaute lungtang lam pial tawntung a,
ka lampite a thei kei uh hi,’
ka cihna tua hang ahi hi.
11 Tua ciangin ka heh a,
‘Amaute ka khawlna-ah a lut ngei kei ding uh hi,’
ci-in kiciamin ka genkhia hi,"
ha a ci hi.
12 Sanggamte aw,
note a kuamah peuh lungtang ah mawhdim le umlah in,
a nungta Pasian kiang pan na pialmang loh nadingun kikem un.
13 Ahi hangin tuni a kici sungin mawhna’ khemhatna hangin kuamah in a lungsim a khauhsak loh nadingin nisimin khat le khat na kihan thawn un.
14 Eite in a masa-a i neih kimuanna,
a tawp dongin kiptaka i letkip leh Christ sungah tanh a nei i hi hi.
15 Amah in,
"Tu ni-in ama aw na zak uh leh,
na lehdo lai bangun
na lungsim uh khauhsak kei un,"
ab na ci khin phet hi.
16 Za napi-a,
a lehdo kuate ahi hiam?
Egypt pana Moses in a pikhiatte hi lo uh ahi hiam?
17 Amah kum sawmli sung a hehna kuate tung ahi hiam?
Mawhna bawla,
a pumpi uh gamlaka,
a pukte tung hi lo ahi hiam?
18 Pasian in ama khawlna ah amaute a tung ngei kei ding uh hi,
ci a,
a tomlawh,
a thumang lote bc tung lo kua tung hi ding hiam?
19 Tua ahi ciangin amaute uplahna hangin a lut thei kei uh hi,
cih i thei hi.