James
Thupatna
James laibu pen AD 48 pawl a kigelh hi-a Thukhun Thakte lakah a kigelh masapen hi thei ding hi. Hih laikhak pen Jerusalem a pawlpi makai Jesu sanggampa James in mun tuamtuam a om Christian-te tunga a khak ahi hi. Laisiangtho Thak sung James pan Jude dong bu sagihte pawlkhat peuh kikhak tuam hi loin Christian-te tunga kikhak ahi manin tangpi laikhak kici hi.
James in Christian nuntak ding banga Christian-te a nuntak nading uh a hilhna-a a khak ahi hi. Amah in upna i neih taktak leh Christian gamtat ding bangin i gamtat kul hi ci-in kal tentan hi. Amah in hehna le kitotna, angvanna lahna, lei ukzawhna, kiphatsakna, lungduaina le thungetnate nuntakpihpah dingin ngaihsutna pia hi.
Athute tomlahna
Biakna maan lungsim (1:1-27)
Upna maan sepkhiatna (2:1-3:12)
Pilna maan sepkhiatna (3:13-5:12)
Upna tawh thungetna (5:12-20)