2 Corinth
Thupatna
2 Corinth-te ci-a kithei laikhak pen laikhak masa khit kha tawm vei sunga kigelh hi ding hi. 1Corinth a kipawl khenna le thubuai, Corinth pawlpi sungah om lai hi. Paul mahmah Corinth ah zin pah hileh kilawm napi, pawlpi mite pawlkhat in a lungsim uh khel nuam loin Paul pen Pasian sawltakpi hi ci-in um nuam lo uh ahih manin ciah kik pah hi.
Macedonia pan a kilehkik khitin Corinth pawlpi mite in a buaina uh le a mawhna uh kimu uh a, a lungsim uh kheng nuam uh hi, cih thuhoih Titus in a puak ciangin Paul a lung nuam zaw tham ta hi. Tua hun laitakin Paul in Corinth-te tungah hih laikhak nihna a gelh ahi hi.
Hih laikhak a patna lamah Corinth mite a gamtatnasate uh dah in Pasian deih banga gamtat a sawm lam uh Paul in a zak ciangin a lungdam luatna gen hi.
Laikhak a khen nihna ah Paul in ama tunga heh mite le ama thu amaan lo-a kigenna pan a kihutna gen hi.
Athute tomlahna
Thupatna (1:1-11)
Pasian’ thupuakpa Paul (1:12-7:16)
Cinghtaka piakna (8:1-9:15)
Paul sawltakpi hihna (10:1-13:10)
Thukhupna (13:11-14)