1 Corinth
Thupatna
Hih laikhak bel Paul in Corinth pawlpite tungah AD 55 phalbi laitakin a khak hi kha ding hi. Amah Ephesus a a om laitaka Corinth pawlpite laikhak a thukna-a a khak ahi hi.
Mediterranean gei-a om Corinth khuapi pen sum bawlna lama a hau mahmah phualpi ahi hi. Rome-te ukna gam sunga a kithei kim khuapi thaanghuai khat zong ahi hi. Corinth a pawlpi a thak ahih manin a kim a pama mite tat banga tat loh ding Christian-te adingin haksa mahmah a, tua hangin pawlpi sungah thubuai pawlkhat om hi.
Corinth a Christian-te khat le khat kithutuak loin - pawl nei ciat uh hi. Amaute pawlkhat in mawhna-a nuntak nuamsa uh hi. Paul in hih laikhak pen amaute a taina le Chirstian-te bangci gamtat ding cih a hilhna ahi hi.
Amah in Corinth sunga mite in akhial pan amaan a theih nading in Christian nuntakna bangci nuntak ding cih a hilh ding hanciam hi.
Athute tomlahna
Hopihna le lungdamkohna (1:1-9)
Pawl sunga kikhenna (1:10-4:21)
Paktatna le thukham palsatna (5:1-6:20)
Kitenna (7:1-40)
Christian-te thuneihna le hamphatna (8:11-11:1)
Christian mipi biakpiakna (11:2-34)
A mun le khalam letsongte thupina (12:1-14:40)
Christ le thu-umte’ thawhkikna (15:1-58)
Thukhupna (16:1-24)