Luke
Thupatna
Lungdamna thubute lakah Luke a sau pen hi a, Nasepte laibu gelhpa tawh a gelh kibang hi. Luke laigelhzia in amah pilna sang nei mi ahihna hong lak hi. Greek khuasak zia le nuntakzia bulphuh a a gelh ahi hi.
Luke laigelh a masa tang lite sungah Jesu nuntakna amaan le a cinga theih nading a deihna-in hih laibu a gelh ahihna thu hong gen hi. Amah in tangthu-in a banbanin cingtakin gelh hi.
Jesu in minam khempeuh a itna a gen nop manin Luke in hih laibu a gelh ahi hi. Amah in Jesu tawh kimu-a a kihopih numeite thu genin a minun na lo hi. Lungdamna bu gelh dangte sangin naupangte thu na limgenzaw hi. A thugentehna ah mizawngte le a kinengniamte thu gelh phadiak hi. Luke in Jesu pen " a mangte zong ding le hon dinga hong pai takpi ahina lak hi. (19:10)
Hih laibu sung khempeuh ah - Mary’ la le Jesu suah a vansawltakte la a kipan Jesu van kah toh khit ciang " lungnuam mahmah in Jerusalem ah ciah uh hi." ci-a kigelhna lungdamna thu bekbek kimu thei hi. Luke in Christ lungdamna-thu genin, ama hong paina hangin mawhna a dim leitung ah lungnopna, lametna le hotkhiatna hong tuntheihnate lahnopna kilang hi.
Athute tomlahna
Thu patna (1:1-4)
Tuiphumpa John suahna, aneu lai le Jesu (1:5-2:52)
Tuiphumpa John nasepna (3:1-20)
Jesu kituiphumna le kizia-etna (3:21-4:12)
Jesu in thuhilhin cina a damsakna (4:13-9:50)
Jesu’ nasepna (9:15-18:30)
Jesu’ thuakna le a kikhailupna (18:31-23:56)
Thawhkikna le vankahna (24:1-53)