Thukhun Thak
Thupatna
Matthew laibu lungdamna thu ahi hi. Jew-te le Gentile-te a honkhia khawm dinga sawtveipi a kingaksa Messiah hong paina thu gen hi. Hih laibu gelh pen nungzuipi sawmlenihte laka khat Matthew hi dingin ki-um hi. Hih laibu a kigelh hun pen Rom-te in AD 70 kuma Jerusalem biakinnpi a suksiat ma hi kha ding hi.
Mark le Luke in zong Jesu’ nuntakzia gelh taleh Matthew gelhzia in a dangte tawh kilamdang diakna khat nei hi. Matthew in lungdamna thu a gelhna ah Jesu pen Thukhun Lui sunga kikamciam Messiah a hihna lak den hi. Matthew in Thukhun Lui sung bulh pahpah in Laisiangtho lui a "Vantung kumpi-gam" ci mun mahmah hi. Hih banga a gelhna hangin mi tampi in ama thupha puakna Jew mite lak hi; ci-in ngaihsun uh hi. Matthew in Christ pen Pasian’ thukham Pasian kumpi-gam i cih bang hiam cih mite in a telcian nadinga a hilh siapipa ahi lam zong limgen hi. Christ thuhilhna a nuai-a mun ngate ah kimu hi.
1. Mualtung thuhilhna (5:1-7:27)
2. Nungzuipite tunga hilhtelna. (10:5-42)
3. Nalamdangte tawh hilhna (13:3-52)
4. Nungzui a khiatna (18:1-35)
5. Hun nunung le vantung kumpi-gam tun nading thu a hilhna (24:4-25:46)
Athute tomlahna
Ama-a thupiang le kiginkholhna (1:1-4:25)
Galilee gama nasepna (5:1-18:35)
Mualvum tunga thuhilhna (5:1-7:29)
Nalamdang zanga nasepna (8:1-10:42)
Gentehna zanga thuhilhna (11:1-13:52)
Langneihna le nungkikna (13:53-16:12)
Jesu Pasian’ Tapa (16:13-18:35)
Hun nunung (19:1-28:20)
Jerusalem manawh (19:1-20:34)
Gualzo-a lutna (21:1-17)
Christ sia ahihna (21:18-25:46)
Bawlsiatna, sihna le kivuina (26:1-27:66)
Thawhkikna le vankahna (28:1-20)