Nineveh Puk Ding
2
1 Nineveh sim ding hong kuan ta hi.Na kulh uh cing un,
lampi vil un,
kithawi tawm un,
na hatna khempeuh uh keng un!
2 A susiate in amaute siasakin
a lengguite uh a kisiat hangin
TOPA in, Israel-te thupina bangin
Jacob thupina zong angei a bangsak ding hi.
3 Ama galkapte’ lumte asan hi a;
a galsiamte uh puante a ausan hi.
A sakollengte ngun sikte
a kibawl tung bangin atee aa daldal hi;
a teipi uh kilek zalzala hi.
4 Kongzing tengah sakolleng om zuahzuah a,
tual-awng tengah suktai totai zalzal uh hi.
Amaute meisel kuanglai tawh kibang uh hi;
amaute khuaphia bangin kilek zakzak uh hi.
5 A galkapte thu pia napi
a lampi uah muktu uh hi.
Khuapi kulh zuanin tai uh a,
a lum uh tawh kidal uh hi.
6 Gun kongpite kihong a,
kumpi innte a kisiagawp hi.
7 Khuapi salin kikai dinga
a kipuakhia dingin thukip bb kipia ding hi.
A sila numeite in a awm uh tumin
kawl-vakhu bangin thum uh hi.
8 Ninevah bual tawh kibanga
a sunga tuite kikhekhia hi.
Amaute in,"Khawl un! Khawl un!"
a cih uh hangin kuamah a kileh kik kei hi.
9 A ngun uh laksak uau!
A kham uh laksak uau!
A goukholna-ua vante in
beihun a nei kei hi.!
10 Tuanu kisusiagawp a, a neihsa teng kilaksakmangin a kihawmkhai hi!
Lungtangte tuisuak a, khukte zaw in,
pumpi kilinga, maitang peuhmah adaang hi.
11 Hunpinelkai pate le humpinelkai nute in,
a note an vaka
lau lo-a a omna mun
humpinelkai kua tu-in koi-ah om ta hiam?
12 Humpinelkai in a no khamkhop ding mana,
a lawm ading sa tawlmeksakin
a thahsa a kuatual ah dima,
a kua sung samatsa tawh dimsak hi.
13 Thahatpen TOPA in,
"Keimah note langah ka pang hi.
Na sakollengte uh meikhu lakah ka haltum dinga,
na humpinelkai khanglaite uh
namsau in a vatmai ding hi.
Leitung ah na samatsa uh kong nusiat kei ding hi;
na kamtaite uh awging a kiza nawn kei ding hi," a ci hi.