Israel A Salhna
4
1 No Israel-te aw, TOPA kammal za un,bang hang hiam cih leh no gam sunga teng mite langkhat ah TOPA in
mawhmatna khat hong tungsak ding hi.
"Gam sungah muanhuaina, itna,
Pasian theihna a om kei hi.
2 Hamsiatna aa, zuauna le kithahna,
guktakna le angkawmna bek om a;
ciangtan nei loin sisan luanna in
sisanluanna a nungzuih hi.
3 Hih thu hangin leitang thum bb in,
a tunga teng khempeuh a maimang hi;
gam sunga gamsate, huih lak-a vasate le,
tuipi sunga ngasate a si ding uh hi.
4 "Ahi hangin kuamah mawhmatna thuaksak loin
kuamah in midang khat mawhsak kei hen,
ahang in na mite uh
siampi khat tungah mawhsakna a tunte tawh kibang hi.
5 Sun le zanin na kimuktu uh a,
kamsangte no tawh a kimuktu khawm uh hi.
Tua hi-a na nu ka susia ding hi -
6 keima mite theihna neihlohna hanga kisia ahi hi.
"Theihna nial na hi manun
ka siampite dingin kong nial hi;
Pasian thukham thusim lo na hi manun
kei zong na tate uh ka thusim kei ding hi.
7 Siampite a punna uh tawh kizui-in
kei langah tam a mawhzaw uh hi;
amaute cc in amau Minthanna pen maimawlna khatpeuh tawh a khek dd uh hi.
8 Ka mite mawhnate-in kivak uh a,
a gitlohnate uh nuam a sa uh hi.
9 A tuaci mah ding hi; mite le siampite a kibang ahi hi.
Amaute lampite hangin amaute gel dan ka piakhawm dinga,
amaute sepsa tawh kizui-in ka thuk kik ding hi.
10 "Amaute in a nek uh hangin kham zo lo ding uh a;
a kizuak uh hangin a pung tuan kei ding uh hi,
bang hang hiam cih leh amaute in TOPA taisanin ,
kizuakna zului le zuthak ah
sing milim thu dong uh a,
ciangkang khatin a dawng hi.
Kizuakna kha khat in amaute lam khialsak hi;
amau Pasian tungah a muanhuai kei uh hi.
13 Amaute in mualliante dawnah biaknate pia uh a,
mualneute tung, tehno sing lak,
hiang sing le terebinth kungte nuai
a liim nopna peuh ah biakna a hal uh hi.
Tua ahi ciangin na tanute uh numei kizuak suak uh a,
na mote uh angkawm a suak uh hi.
14 "Na tanute uh kizuak a suah uh ciang,
na mote uh angkawm a suah uh ciangin,
dan ka thuaksak kei ding hi,
bang hang hiam cih leh pasalte mahmah
numei kizuakte tawh kithuahin
biakbukno a numei kizuakte tawh biakna a pia khawm uh hi -
theihtelna a nei lo mite a kisiat ding mah ahi hi.
15 "Israel aw, ang na kawm ta zongin
Judah beek mawh kei hen.
"Gilgal ah pai kei in;
Beth Aven ee ah pai kei in.
TOPA nuntakna lo-in kiciam kei in.
16 Israel-te lungkhauh uh a,
bawngla lungkhauh bang uh hi.
Tua ahileh TOPA in bang ci-in
lonona-a tuunote bangin lono-in vak thei ding hiam?
17 Ephraim pen milimte tawh kipaikan hi;
ama omin omsak lel in!
18 A dawnte uh a bei ciang nangawnin
a kizuak uh zom lai uh hi;
a gam-ukte un a maizumhuai nate it uh hi.
19 Amaute pingpei in zialmang dinga,
amau biak piakna in maizumna a tun ding hi.