Hosea le A Zi Kigawmkikna
3
1 TOPA in kei kiangah, "Pai inla na zi midang khat tawh ki-it in numei paktat ahi zongin na itna lak kik in. Amaute in pasian dangte lamah kihei-in a siangtho lenggah-mohte a it uh hangin TOPA in Israel-te a it bangin nang zong tuanu it in," hong ci hi.2 Tua ciangin amah ngun shekel sawm le nga ia le mangbuh-ham homer khat le lethek jb khatin ka lei hi. 3 Tua ciangin tua nu kiangah, "Kei tawh kc nitampi sung nong teng khawm dinga; kizuak nawn peuhmah loin, mi khatpeuh tawh ld zong om khawm loin kei nang tawh kong om ding hi,’ ci-in ka gen hi.
4 Bang hang hiam cih leh Israel-te kumpi lo, gam-ukte lo, biakna pia lo, a siangtho suang lo, siampipuan lo, milim loin ni tampi a nungta ding uh hi. 5 Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.