Egypt Kitamlawhna
30
1 TOPA thu kei tungah hong tunga; 2 "‘Mihing tapa aw, thu genkhol inla, ‘Hih in Thupipen TOPA gen ahi hi:"Kah-ot inla,
‘Tua ni aw, tazen aw!’ ci in.
3 Ahang in, a ni naita a,
minamte siat nading
lungkham meiipizin ding -
TOPA ni nai ta hi.
4 Egypt-te sim dingin namsau khat kuan dinga,
Cush ca tungah lunggimna tung ding hi.
Egypt ah mi a kithah ciangin
a hauhnate kipuamang dinga
a bulkipte kiphukpai ding hi.
5 Cush le Put, Lydia db le Arabia khempeuh, Libya le thukhun leitang mite khempeuh Egypt tawh namsau in a pukkhawm ding uh hi.
6 "‘Hih in TOPA gen ahi hi:
"‘Egypt a panpihte puk dinga
a kisaktheihpih a hatna beita ding hi.
Ama sunga om namsau-in
Migdol pan Aswan dong puk ding uh hi;
Thupipen TOPA in cikhia hi.
7 "‘Gamkhingte lakah
amaute gamkhing khat suak ding uh a,
khuapi kisiate lakah
amaute khuapi kihel ding hi.
8 Keimah in Egypt mei-in hala
a panpih khempeuh ka kituatzan ciangin
amaute in keimah TOPA ka hilam hong thei ding uh hi.
9 "‘Tua ni ciangin ngaihmuanga om Cush-te a lausak dingin kei kiang pan tembaw in kamtai ka sawl ding hi. Egypt a siat ni ciangin nak buai mahmah ding hi; a tung pelmawh ding lah ahi hi.
10 "Hih in Thupipen TOPA gen ahi hi:
"‘Keimah in Babylon kumpipa Nebuchadnezzar khut zangin
Egypt mihonte ka beisak ding hi.
11 Amah le a galkapte - minam kheltat pente -
a gam uh susia dingin ka kuansak ding hi.
Amaute in Egypt do dingin namsau dok ding uh a,
a gam uh misi a dim ding hi.
12 Nile sunga tung lui khempeuh ka kangsak dinga
a leitang uh migilote tungah ka zuak ding hi;
a gam uh le a sunga om na khempeuh
gamdang mite susiasakin gamval ka suaksak ding hi.
Keimah TOPA in ka gensa ahi hi.
13 "‘Hih in Thupipen TOPA gen ahi hi:
"‘Milimte ka susia dinga,
Memphis ec a pasian limte ka beisak ding hi.
Egypt ah kumpitapa om nawn lo dinga
a gam khempeuh uh launa ka tungsak ding hi.
14 Keimah in Zoan haltum in
Egypt fd saklam ka maimangsak dinga,
Thebes ge dan ka thuaksak ding hi.
15 Egypt-te kulh muanhuai Pelsium af tungah
ka thangpaihna ka sung dinga,
Thebes mihonte a khaktan ding hi.
16 Egyp-te mei-in ka hal dinga,
gimna lianpi-in Pelsium ka nuai ding hi.
Ngongtatna tawh Thebes kila dinga,
Memphis lungdong den ding hi.
17 Heliopolis bg le Bubastis ch a khangnote,
namsau in puk ding uh a,
a khuapite uh amau le amau galmatin pai ding uh hi.
18 Egypt hakkol ka kuaihtan ciangin
Tahpanhas ah khimzing dinga;
tua ciangin a kisaktheihpih a hatna beita ding hi.
Tuanu meiipi in tuam dinga
a khuaneute galmat a suak ding hi.
19 Tua bangin Egypt dan ka tuahsak ciangin
amaute in keimah TOPA ka hilam a thei ding uh hi,’ ci in," hong ci hi.
20 A kum sawm le khatna a kha masa, a ni sagihna ni-in TOPA thu kei tungah hong tunga: 21 "Mihing tapa aw, Egypt kumpipa Pharaoh’ ban langkhat ka kuaitan khin hi. Namsau tawi zo zah dinga khauh dingin a dam zawh nadingin kituamin kibawlsak lo hi. 22 Tua ahi ciangin hih in Thupipen TOPA gen ahi hi: Keimah in Egypt kumpipa Pharaoh ka do hi. A ban adam lam le a kitansa lam tawh ka kuaitan khawm dinga a namsau tawilai ka kiasak ding hi. 23 Minamte lakah Egypt ka thehzak dinga, gam citeng ah ka thehthang ding hi. 24 Babylon kumpipa bante ka khauhsak dinga a khutah ka namsau ka koih ding hi, ahi hangin Pharaoh bante ka kuaitan dinga, nakpitaka liam mi khat bangin a mai-ah a humham ding hi. 25 Babylon kumpipa bante ka khauhsak dinga, Phraoh bante a zawcip ding hi. Babylon kumpipa khutah ka namsau ka koih a, amah in Egypt langkhatah a liik ciangin amaute in keimah TOPA ka hilam a thei ding uh hi. 26 Keimah in minamte lakah Egypt mite ka delhzak dinga gam citengah ka thehthang ding hi. Tua ciangin amaute in keimah TOPA ka hilam hong thei ding uh hi," hong ci hi.