64
1 Nangma mai-ah mualliante a kilin nadinginvantungte balkekin hong kumsuk ve!
2 Mei in selkang kuangsak a
tui a so bangin,
hong paisukin na galte tungah na min kitheisak inla
na mai-ah minamte lingsak in.
3 Ahang in, ka lamet loh uh a mulkimhuai nate na bawl lai-in
nong paisuk a, na mai-ah mualliante a kiling hi.
4 Tanglai-a kipan, amah a ngakte cihna-a
na a sepsak nang longal
Pasian khat beek kiza lo a,
bil in zong za kha loin mit khat beek in a mu ngei kei hi.
5 Na lampi phawkin lungtaitakin
thumaana na a semte na huh hi.
Ahi hangin ka mawh ngitnget uh ciangin
nang na heh hi.
Kote bang ka kici hotkhiat thei ding uh hiam?
6 Kote khempeuh a siang lo mipa ka bang uh a,
thumaana ka sep khempeuh uh puanninte tawh a kibang hi;
kote khempeuh nahthel keu ka bang uh a,
ka mawhnate un huih bangin kote hong mutleng mang hi.
7 Kote na maitang nong selsan a,
ka mawhna hangun hong patkhiasak na hi manin
kuamah in na min hong sam loin
pom hong sawm a om kei hi.
8 Tua hi napi TOPA aw, nang kote Pa na hi lai veve hi.
Nang beelseekpa hi-in kote tungman ka hi uh a;
na khuta nong bawlsa ka hi uh hi.
9 TOPA aw, nak heh lua kei inla
ka mawhnate uh ciamteh tawntung kei in.
Kote khempeuh nangma mi ka hi manun
kong thum uh hi, ko lam hong nga in.
10 Na khuapi siangthote sehnel-gam suak ta a;
Zion nangawn sehnel-gam suakin Jerusalem gamkhing a suak hi.
11 A siangtho a minthang ka biakinnpi uh, ka pate un nang hong phatna mun,
mei in kangtum ta a,
ka gou koih khempeuh uh kisia ta hi.
12 TOPA aw, hihte khempeuh nungin nang ki-ip lailai ding na hi hiam?
Nang dai khikhe-in dan hong thuaksaksak lai ding na hi hiam?