Israel-te Hutkhiatna
27
1 Tua ni cianginTOPA in ama namsau - a hiam mahmah,
a lian le a vanglian ama namsau in,
a kitholhkhia gulpi Leviathan
a kual gulpi Leviathan daan thuaksak dinga,
tuipi ganhing lianpi a that ding hi.
2 Tua ni ciangin -
"A gahpha lenggui lo la-in sa un:
3 Keimah TOPA in ka vil tawntung a;
tui ka buak den hi.
Kuamah in a siatsak loh nadingin
sun le zanin ka vil hi.
4 Ka heh kei hi.
Lingkungte le thangling kungte in kei hong maituah ta leh
amaute phu in gal sungah ka pai teitei dinga;
amaute khempeuh mei-in ka hal ding hi.
5 Ahikeh kei kiang hong zuanin hong bu uh hen;
keimah tawh kilemna bawl uh hen,
hi hi, keimah tawh kilemna bawl uh hen.
6 Hong tung ding tua ni ciangin Jacob in zungkha dinga,
Israel selkhia-in pak dinga,
leitung khempeuh ah a gah a dim ding hi.
7 Amah a satte sat bangin
TOPA in tuanu sat ahi hiam?
Amah a thatte thah bangin
amah in tuanu that sam ahi hiam?
8 Kidona aa hanga saltang amah tawh a mawh khawmte -
nisuahna huih nun ni bangin
ama huih hat in tuanu a delhkhia hi.
9 Amah in biakna-tau suangte khempeuh
suangkang satvui bangsak a,
Asherah gimnamtui-tau ahikeh
khuamte bb a po lai a omsak nawn loh ciangin
hihte hangin Jacob khialhna kimaisakin
a mawhna a kipaihsakna gah ahi ding hi.
10 A muanhuai khuapi a hawmin om a,
a teng mi tampi in sehnel-gam bangin a taisan uh hi;
tua lai-ah bawngnote gamta in
tua lai mah ah giak uh a,
a hiangte a hawkmai uh hi.
11 A hiang mengte a keu ciangin kitan a
numeite pai-in singin a cih uh hi.
Ahang in, hih mite in a theitel kei uh hi;
tua ahi ciangin amaute a Bawlpa in amaute khuatuah lo a,
amaute a Piangsakpa in amaute a angvan kei hi.
12 Israel-te aw, tuani ciangin TOPA in Euphrates cc - luanglai panin Egypt Luipi - dong hong cilkhia in khatkhatin hong khawm ding hi. 13 Tuateh tua ni ciangin pengkul lianpi khat a ging ding hi. Assyria a, a mangthangte le Egypt ah sala kikaite hong pai-in Jerusalem-a mual siangtho tungah TOPA a bia ding uh hi.