16
1 Sela pan sehnel-gam kantaninZion Tanu vuma om
gam-ukte tungah
siah dingin tuunote khak un.
2 A bu pana kiphawngkhia
a leng kawikawi vasa bangin
Moab numeite
Arnon ngahmunte ah a om uh hi.
3 "Kote thu hong hilh unla
thu hong khensatpih un.
Sun in
na liim zan bangsak in
Delhkhiatte sel-in galtaite
hek kei un.
4 A kidelhkhia Moab-te no tawh omkhawmsak unla;
amaute a susia dingte panin liah un."
Mi nuainetpa om nawn loin,
kisiatna a bei ding hi;
leitungpanin a tatsiapa a bei ding hi.
5 Itna tawh kumpi tokhom kikipsak dinga;
muanhuaina tawh a tungah mi khat tu-in -
David innkuan ca pan hi dinga -
thutang zonga thukhenpa thumaan manlanga
a zangpa hi ding hi.
6 Moab-te kiphatsakna -
ki-uangsaka kisaktheihna le kiliatsakna -
ama kihisakna le a kimisakna i za khin hi,
ahi hangin ama kisialhpihte a hawmpi ahi hi.
7 Tua ahi manin Moab-te kap vangvang uh a,
amaute in Moab a kahhuan vangvang uh hi.
Kir Hareseth mite db adingin
taamlo-in dah un.
8 Heshbon lote lah tulta a,
Sibmah lengguite zong teekta hi.
Minamte’ gamukte in hun khat lai-a
sehnel-gam lamah
Jazer dong bana a zaam
lenggui hoihpente tuancil khin uh hi.
Amaute mengkhia a
tuipi dongah zaamkhia hi.
9 Tua ahi ciangin Sibmah lengguite adingin
Jazer kah bangin ka kap hi.
Heshbon aw, Elealeh aw,
khitui-in hong buakkawt veng aw!
na singgah minte tung le na anlakphate tungah
lungdamin a kiko na khawl khin hi.
10 Na singno lei pana nuamna le lungnopna beimangta hi;
lenggui lo ah kuamah lasa in kiko nawn lo a;
kuamah kikosak nawn lo ka hi manin
lengtui sukna-ah kuamah in zu a sukkhia nawn kei hi.
11 Harp bangin ka lungsimin Moab ka taamlawh a,
keima sungah Kir Hareseth ka taamlawh hi.
12 Munsang tungah Moab a kilat ciangin
hawmsuak bek a,
a biakbukno ah thungen dingin a pai ciangin
a lawhsam hi.