Sengualte
6
1 Lianu zatam lai-a duang kikhaipen aw,na sannem heina koi kuam hiam aw?
Tong hong lel aw na sannem heina
sangbang vaipih nuam ung e?
Ngaihno
2 Gimsi pak nam viauviau huan ah
ka sannem vailo a kuan hi e.
Khanghuan ah tuute cing kawmin
unok pallai khawm hi e.
3 Kei pawh ka ngaihno aa hi’ng e,
ka sannem zong kei aituam hi e;
unok pal huan a lai-ah e,
tuu tawh sawlbang heikhawm e.
Sannem
4 Duang kikhai cia ka zunngek aw,
Tirzah le Jerusalem
dungzil in ngaihbaang ve cia,
dialkhai nuai-a lal nawh honte
bang etlawm ve cia.
5 Maimit hong suansuan lo aw,
sinlai hong zen lua hi e.
Na besam lah lengkeel hon gual
Gilead pan tualkum zil e.
6 Na tuhate pak singseng e,
tuute besam met khit lima
damtui-a bual dungzil e.
Kopin peng e,
mala tuamkai om lo e
7 Laangmai khuhna dial vang kawma
na khosan lihleh aw e,
mangkawlsing angno zil e.
8 Vaimang angkawi sawmguk omin
thaike sawmgiat in hong pawmin,
lianu zatam melmak lai ah,
9 duang kikhaikim ka khuvano
pianin dang diak se hi e,
tunnu vontawi malkhai lianu
tunnu zozam nelkaai no hi cia.
Lia zatamte’n maimit suan e,
luntawita zilnu ci a;
vaimang thai le thaikete’n zong
lambang pakkim ciat uh e.
Sengualte
10 Zingdam solno suak dungzila,
tung solkha pi banga kilawm
tung sunni tangpha dungzila,
tungciang si-al bawm khawl dungzila,
pheiphung khaisiam
kuata vontawi ahiam aw?
Sannem
11 Gamkuam a tulsingnote
thangbang vil ding le lenggui in dawn
a suang ta hiam,
mangkawlsingte a pallun hiam
ci’n khanghuan ah vailo kuan ing e.
12 Lunga ka gel theih ma-in aw,
vaimang kolsa lengte le
sengual lakah bual kisa ve’ng e.
Sengualte
13 Sul hong hei vaw sul hong hei ven
Shulam lianemnu aw e;
sakmel laangmai nibang et na’ng
sulbang hong hei nawn ve aw.
Sannem
14 Mahanaim a lamsai et bang,
Shulam lanu bang hang maimit
suan ding na hiam aw?