15
1 Kamnem a dawnna in thangpaihna daisak a,kamkhauh in ahileh hehna sosak hi.
2 Mipilte leii in theihna phata,
mihaite kam in ahileh haina phulkhiasak hi.
3 Mun khempeuh ah TOPA mit om a,
misia le mipha a encik hi.
4 A damsak thei leii nuntakna singkung hi-a,
a khem thei leii in ahileh lungsim a suzan hi.
5 Mihai in a pa sekna nial-a,
puahphatna a thusim mi ahileh pilvangna lak ahi hi.
6 A thumaan mi inn ah gou tampitak om a,
migilote sumtum in amaute lungkhamsak hi.
7 Mipilte muk in theihna thehzak a,
mihaite lungsim in a tua cih kei hi.
8 Migilote biakpiakna TOPA in kih a,
a thutang mite thungetna in amah lungkimsak hi.
9 Migilote zuih lampi TOPA in kih a,
thumaan a delhte a it hi.
10 Lampialte khauhtakin sek kul a,
puahphat a ut lote si ding hi.
11 Sihna le suksiatna ba, TOPA mai-ah kilangin om ahileh -
mihingte lungsim kilangzaw ngel ve!
12 Mi simmawhpa in kipuahphat ding hehsan hi;
mipilte thu dong lo ding hi.
13 Lungsim-nopna in maitaisak a,
lungsim-natna in ahileh lungsim a suzan hi.
14 Theihkakna lungsim in theihna zonga,
mihaite kam ahileh haina-in kivak hi.
15 A kinengcipte nuntak hun sung gimna vive hi-a,
a lungtai mite pawi bawlbawl ahi hi.
16 Hauh mahmah a buai sangin
tawmkha nei a TOPA kihtak hoihzaw hi.
17 Kimuhdahpipi a bawngno vakthau sa nek sangin
ki-it diamdiam a anteh meh nek hoih zaw hi.
18 Lungtom mi in kiselna khangsak a,
lungduai mi in kitotna daisak hi.
19 Zongzawte lampi ling in khak a,
a thutangte lampi ahileh lam lianpi ahi hi.
20 Tapa pil in a pa lungnuamsak a,
mihai in ahileh a nu a thusim kei hi.
21 Thukhentel thei lo mi in hai nuamsa a,
thu theitel mi ahileh thutangin a gamta hi.
22 Kikupna om loin geelnate tangtung lo a,
thu kuppih tampi tawh tuate kizo zo hi.
23 Ahi liana dawnna in mite lungnuamsak hi -
a hun lian tawh kituaka kampau nak hoih sem ve!
24 Mipilte adingin nuntakna lampi paito a,
hankhuk cb manawha paisuk nading panin a kem hi.
25 TOPA in kiphasakte inn phelkek a,
meigong numeite kigi bittakin kepsak hi.
26 TOPA in migilote ngaihsutna kih a,
lungsim siangthote aa ahileh lungkimpih hi.
27 A huaiham mi in a inn sung lungkhamsak a,
golhsum a mudah mi a nungta ding hi.
28 A thumaante lungtang in a dawn kik nading khingkhaikhai-a,
migilote kam panin ahileh thusia phulkhiakhia hi.
29 Migilote kiang panin TOPA gamla a,
ahi hangin a thumaante thungetna a za hi.
30 Maitaisa-a etna in lungsim nuamsak a,
thuthak hoih in guhte damsak hi.
31 Nuntakna a pia taihilhna a ngaipa,
mipilte tawh kikhawl thei ding hi.
32 Sektatna a awlmawh lopa amah le amah kithusim lo hi-a,
kipuahphat a sawm mi ahi leh theihtelna ngah ahi hi.
33 TOPA kihtakna in pilna ac hilh-a,
pahtawina ma-in kiniamkhiatna om masa hi.