Phatna 148

1 TOPA phat un. a

Vante panin TOPA phat un,

tunglam asannate ah amah phat un;

2  ama vansawltakte khempeuh aw, amah phat un,

ama vantung mihonpi khempeuh aw amah phat un,

3  Nipi le khapi aw amah phat un,

no, a tang aksite khempeuh aw amah phat un.

4  No a sangpen vante le

huihkhua tunglam a tuite aw amah phat un.

5 TOPA in thu pia-a amaute piang ahi manin

ama min phat uh hen.

6  Amah in amau mun tekah a tawntungin omsak den hi;

amah in a mangthang ngei lo ding thukip amaute a pia hi.

7  No tuipi ganhing lianpite le tuipi lian thuknate,

8  no, khuaphia le gial, vuk le meiite,

ama thu a mang huihpite,

9  no mualliante le mualneute khempeuh,

nek theih kungte le tamtakte khempeuh,

10  no gamsate le inn sate khempeuh,

ganhing neute le a leng vasate,

11  no leitung kumpite le minamte khempeuh,

leitunga kumpitapate le thukhente khempeuh,

12  nungakte le tangvalte,

naupangte le khanghamte khempeuh aw,

leitung panin TOPA phat un.

13  Ama min bek kitawisang ahi manin

amaute in TOPA phat uh hen;

ama thupina lei le vante tunglam ah a om hi.

14  Ama lungsim tawh a kituak

Israel misiangte khempeuh

phatna ki b khat a mite adingin a khangkhiasak hi.

TOPA phat un.