Kahtohna la khat.
132
1 TOPA aw, David le ama thuakhaksatna khempeuh phawk in.
2 Ama’n TOPA tungah thu ciam-a,
Jacob Thahat Pa tungah kiciamin:
3 "Ka inn sungah lut loin
ka lupna ah zong ka lum kei ding hi -
4 ka mitte ka ihmusak kei dinga,
ka mitkhute ka lususak kei ding hi.
5 TOPA ading mun khat mu-a,
Jacob Thahat Pa ading tenna ka muh mateng ka tuaci ding hi," ci hi.
6 Eite in Ephrathah ah tua i za-a,
Jaar aa gamlak ah i tuak hi: bb
7 "Ama tenna mun ah pai-in;
a khe ngakna phungah va bia ni -
8 TOPA aw, tho in -
na khawlna munah na hatna singkuangpi tawh hong pai in.
9 Na siampite in thumaanna silh uh henla;
na misiangte in nuamin la sa uh hen," a ci hi.
10 Na nasempa David na khualna-in
na sathau nilhpa nolh kei in.
11 David tungah TOPA kiciam a,
a khel kik loh ding thu ciamin:
"Nangma suante khat
na kumpi tokhom ka luahsak ding hi -
12 na tapate in ka thukhun le
ka hilh ka ngeinakipte a zuih uh leh
na kumpi tokhom ah
a tawntungin tu den ding uh hi," a ci hi.
13 TOPA in Zion teel khin ahi manin
ama ten nadingin deih a:
14 "Hih in a tawntunga ka khawlmun hi den ding hi;
ka deihna mun ahi manin hih lai-ah ka tu ding hi -
15 nek le dawn tampitakin thupha ka pia dinga;
a mizawngte an-in ka taiisak ding hi.
16 A siampite hotkhiatna ka silhsak dinga,
a misiangthote in nuamin la sa den ding uh hi.
17 "Hih lai-ah David adingin ki cc khat ka khangsak dinga
ka sathau nilhpa adingin meivak khat ka tung ding hi.
18 A galte maizumna ka silhsak dinga,
ahi hangin ama lutunga lukhu a taang ding hi," ci khin hi.