Kahtohna la khat.
126
1 TOPA in Zion ah aa saltaangtea puak kik ciangin i mang bb tawh kibang hi.
2 I kamte nuihna tawh dim-a
i leiite lungdamna la tawh a dim hi.
Tua ciangin minamte lakah,
"TOPA in amaute ading na lianpi bawl khin hi," kici hi.
3 TOPA in ei ading na lianpite bawl khin a,
i nuam mahmah hi.
4 TOPA aw, Negev a luite bangin
ka nopsakna uh angei hong bangsak ac kik in.
5 Khitui luanga khaici a tuhte in
lungnopna late sa kawmin at ding uh hi.
6 Kapkawm in kuankhia a,
a vawh ding khaici a puate
lungnopna la sa kawmin
buhphalte pua-in ciah ding uh hi.