Kahtohna la khat. David phuah.
124
1 Eite lamah TOPA pang lo hileh -Israel in ci ta hen -
2 mite in hong sim ciangin
eite lamah TOPA hong pang lo hileh,
3 eite tungah amaute hehna a kuan ciangin
amaute in hong hingvalh khin ding uh hi;
4 tuikhang in eite hong tuumcipin
tuizeu in eite hong taimang dinga,
5 tui kilok in
eite hong nawkmang khin ding hi.
6 Amaute ha-a hong petzansak lo
TOPA kiphat ta hen.
7 Thangsiahpa’ thanga vasa suakta bangin
eite i suakta hi;
thang kisutan khin a
eite i suakta hi.
8 Eite huhna ahileh lei le van Bawlpa,
TOPA min ah a om hi.