Kahtohna la
120
1 Ka lungdon hunin TOPA ka sam a,ama’n hong dawng hi.
2 TOPA aw, zuauphuak mukte le
mikhem leiite panin hong hon in.
3 Nang mikhem leii aw, ama’n nang bang hong cih dinga
bang hong cih lai ding ahi hiam?
4 Amah in galhangte’ thaltang hiamte le
siasing meihol-amin dan hong tuaksak ding hi.
5 Meshech ah ka ten lai-a
Kedar puanbukte laka ka ten pawh gim si’ng ei!
6 Lemna mudahte lakah
sawt ka teng lua hi.
7 Kei lah lemna deih mi khat hi napi,
lemna thu ka gen ciangin amaute in gal bawl hong sawm uh hi.