Tumtheih makaipa ading. Khausai thumtheih a sak. Phatna-la khat. La khat.
67
1 Pasian in ei hong hehpihin eite thupha hong pia henla,ei tungah ama mai hong tangsak hen;
2 tua hileh leitung ah na lampite kithei-in
minam khempeuh lakah na hotkhiatna kithei ding hi.
3 Mite in nang hong phat uh hen, Pasian aw;
mite khempeuh in nang hong phat uh hen.
4 Thutangin mite na uk a,
leitunga mite makaih na hi manin
minamte nuamin la sa uh hen.
5 Mite in nang hong phat uh hen, Pasian aw;
mite khempeuh in nang hong phat uh hen.
6 Tua ciangin leitang in an lak ding gah dinga,
Pasian, eite Pasian in thupha hong pia ding hi.
7 Pasian in eite thupha hong pia dinga,
leimong khempeuh dong in amah kihta ding uh hi.