David phuah Phatna-la khat.
24
1 Leitang le a sunga teng khempeuh,leitung le a tunga tengte TOPA aa ahi hi,
2 ahang in amah in tuipite tungah leitung phuta
tui tungah a kipsak hi.
3 TOPA’ mual ah kua kahto thei ahi hiam?
A mun siangtho ah kua ding thei ahi hiam?
4 Khut siangtho le lungsim siang a nei mi,
ama hinna milim lam a ngat lo
ahikeh zuauthu-a aa kiciam lo mi a ding thei hi.
5 Amah in TOPA tung panin thupha ngah dinga,
ama Honpa Pasian panin diksakna a ngah ding hi.
6 Nang hong zong na mai hong zong
khang mite tua bang ahi uh hi, Jacob’ bb Pasian aw.
7 No kongpite aw, na lute uh laamto un;
no tanglai kongpite aw, minthang Kumpipa a tumtheih nadingin
kilaamto un.
8 Hih minthang Kumpipa kua a hiam?
A thakhauh a thahat TOPA,
galsimna ah a thahat TOPA ahi hi.
9 No kongpite aw, na lute uh laamto un,
no tanglai kongpite aw,
minthang Kumpipa a tumtheih nadingin tuate laamto un.
10 Hih minthang Kumpipa amah kua ahi hiam?
A Thahatpen TOPA -
amah minthang Kumpipa ahi hi.