2
1 Bang hangin minamte kipawl sim aa in,mite in a mawknapi sawmsim uh hiam?
2 TOPA le Ama Sathau-nilh Pa bb langkhatah
leitung kumpite pangkhawmin
gam-ukte kikaikhawm uh hi.
3 "Amaute sikkhainiangte sutatin,
amau kolte lawnkhia ni," a ci uh hi.
4 Vantunga tu-Pa nui a;
Topa in amaute a zahko hi.
5 Tua ciangin amah hehin taihilhin,
a thangpaihna tawh linthawn a,
6 "Ka mual siangtho Zion tungah
ka Kumpipa cc ka tusak khin hi." a ci hi.
7 TOPA thukip ka tangko ding hi.
Amah in, "Nang ka Tapa dd na hi hi
tu ni-in kei na Pa ee ka suakkhin hi.
8 Hong ngen in,
minamte na gouluah suaksakin
leimong dong nang neihsa ka suaksak ding hi.
9 Amaute sik ciangkhutin ff na uk dinga,
belseek bangin amaute na dengzan ding hi," hong ci hi.
10 Tua ahi ciangin no kumpite aw, pil un;
leitung gam-ukte aw, vauhilhna thei un.
11 Lau kawmin TOPA na sem unla,
ling kawmin nuam un.
12 Tapa nam un, tua hi kei leh amah heh kha dinga,
ama thangpaihna thakhatin kuang thei ahi manin
na lampi-ah hong susia kha ding hi.
Amah a bel mi khempeuh thupha ngah ahi hi.