37
1 "Hih thu ah ka lungtang kisai-aka diip vana khai bang hi.
2 Ngai dih un! Ama hawkna awging
a kam pana ging damdam ngai dih un.
3 Ama khuaphia vannuai buppi ah phiasak a,
leimongte dongin a taansak hi.
4 Ama hawkna aw khit ciangin
a thupina aw gingsak hi.
Ama aw in a thawnkik ciangin
bangmah iip kik lo hi.
5 Piandangdangin Pasian’ aw ging hi;
theihtel zawh loh nalianpite a bawl hi.
6 Amah in vuk kiangah, ‘Leitungah kia in,’ ci a,
khuapi guah kiangah, ‘Um-a beel-a buak bang in,’ci hi.
7 Ama bawlsa mite in ama nasep a theih nadingun,
mi khempeuh amau sepna ea ciat panin a khawlsak hi.
8 Ganhingte in a belh ding uh zongin,
a kua sunguah om uh hi.
9 A kuapi panin huihpi nungkhia a,
huih mutna panin a vot paikhia hi.
10 Pasian huusan in tuikhal piangsak a,
tui zaipipi a khalsak hi.
11 Amah in meiite lakah tuikhu guang a,
tuate lakah a khuaphia tangsak hi.
12 Ama thupiakna bangin tuate lei
maitang tungah kihei kawikawi uh a,
ama sawl peuhpeuh sem uh hi.
13 Amah in mihingte dan tuahsakna
ahikeh leitang fb tui buahna le ama itna lahna-in meii a zang hi.
14 "Job aw, hih na ngai dih ve;
khawl inla Pasian nalamdang bawlte ngaihsun dih in.
15 Pasian in meiite bangci uk a,
khuaphia bangci tansak cih na thei hiam?
16 Amah in meiite bangci bangin bawmsak lingleng cih na thei hiam,
theihna kicingtaka a bawl nalamdangte na thei hiam?
17 Leitaw-lam huih nuai-ah leitang a sip dide lai-a
na puan nuai-ah khua-ul kai neinaipa,
18 a kisung sumngo limlang banga khauh
vanpi a zal lai-in huh thei na hi hiam?
19 "Ama kianga ka thu gen ding uh, hong hilh in;
Ka khuamialna uh hangin thu sun zia ding ka geel thei kei uh hi.
20 Ka gennop amah’n hong genkhol ding ahi hiam?
A kivalhtum dingin kua in va ngen ding ahi hiam?
21 Huih in tuate a mutsiang khit ciangin
vantung a, a tang ni
kuamah in a en thei kei hi.
22 Leilu lamah kham nopcitna tawh amah hong paikhia hi;
a kihtak huai thupina tawh Pasian hong pai hi.
23 Thahatpenpa, eite theih zawh le ama vangliatna, eite tawisang zawh hi lo hi;
amah thutangin a thumaanna lian hangin a nengniam kei hi.
24 Tua ahi ciangin mite in amah zahtak mahmah uh hi;
ahang in, amah in a lungsim ac sunga pil a kisate thudon lo hi.