35
1 Elihu mah in:2 "Hih thu thutang hi, ci-in na ngaihsun hiam?
‘Pasian sangin ka diktat zaw hi aa na ci hi.’
3 Tua hi napi lah, ‘Mawh lohna hangin kei bb adingin bang met a,
bang ngah ka hi hiam?’ ci-in amah na dong zel hi.
4 "Nang le nang tawh a om khawm
na lawmte tungah kong dawng ding hi.
5 Vante ento inla mu in;
asang pekpeka om meiite salto dih in.
6 Na mawh leh amah bang va ci sukkhak hiam?
Na mawhna a tam mahmah leh tuate in bang va ci sukkhak hiam?
7 Na thumaan leh amah bang pia-a,
ahikeh amah’n nang khut pan bang ngah ahi hiam?
8 Na gitlohna in nang tawh a kibang lel mihing mah sukha a,
na thumaanna in zong mihing ta mah sukha lel hi.
9 "Bawlsiatna a thuak mite kiko uh a,
a zothawh khutte pan hutkhiat ding ngen uh hi.
10 Ahi hangin kuamah in, ‘Kei hong Bawlpa Pasian,
zan-a la hong sasak,
11 leitunga gamsate tung cc sanga eite a tamzaw hong hilhpa le
huih lak vasate sanga a pilzaw dd a hong bawlpa koi ah om hiam?’ a ci kei uh hi.
12 Mihingte a kiko uh ciangin
migilote kiphatsakna hangin amah in a dawng kei hi.
13 Hitakpi hi, amau thungetna a hawmpi Pasian in a ngai kei hi;
Thahatpenpa in thudon lo hi.
14 Nang in amah ka mu kei,
hi ka thu ama mai-ah om hi, amah a ngak ka hi hi,
15 tua tham loin a hehna hangin dan a thuaksak ngei kei hi,
gitlohna ee tawmkha beek awlmawh lo hi, na cih vial hangin
tuate sangin na thu a ngai kei zawtham ding hi.
16 Tua ahi ciangin Job in a mawkna-a kam kek hi a;
a thei lopi-a kam behlap a suak hi," a ci hi.