Solomon Sep Dangte
8
1 Solomon in TOPA biakinnpi le ama kumpi inn lam a zawh khit kum sawmnih a bei ciangin 2 Hiram ca in amah a piak khuaneute Solomon in lam kik a, tuate ah Israel-te a teng uh hi. 3 Tua ciangin Hamath Zobah ah Solomon pai-in a la hi. 4 Amah in sehnel-gam sungah Tadmor le Hamath a vankholna khuapite khempeuh zong a lam hi. 5 Amah in Beth Horon Tungnung le Beth Horon Nuainung, kulh a ki-um khuapite in lampha a, kulhte, kongpite le a kalhna zawlte neisakin, 6 tuate tawh Baalath le a khuapite khempeuh le a sakollengte le a sakolte db koih nading khuapite - Jerusalem sung, Lebanon sung le ama ukna gam sung khempeuha, a lam nop khempeuh a lam hi.7 Hit-te, Amor-te, Periz-te, Hiv-te le Jebus-te pana kinusia mite khempeuh (hih mite Israel-te hi lo hi) 8 in gam sunga om lai amau suante, Israel-te suksiat lohte hi uh a - Solomon in aana-a a lak tuni donga om laite ahi uh hi. 9 Ahi hangin Solomon in a nasepna ah Israel-te sila in a khawi kei hi; amaute a galkapte, a galkap bute a ukte, sakollengte le sakol tuangte a ukte in a koih hi. 10 Amaute Kumpi Solomon zum nasem uliante hi uh a - mite a uk ulian zanih le sawmnga a pha hi.
11 Solomon in David khuapi panin a lamsa kumpi inn ah Pharaoh tanu a paipih hi; ahang in, amah in, "Israel kumpipa David kumpi innah ka zi a teng kei ding hi, bang hang hiam cih leh TOPA singkuangpi tunnasa munte a siangtho hi," a ci hi.
12 Solomon in innliim mai-a a dawhsa TOPA biakna-tau tungah meihal biakna pia uh hi; 13 Moses thupiakna tawh kizui-in Sabbath-te, Kha Thakte le kum sima kibawl pawi thumte - Silngo-sawhloh Anlum Pawi, Nipikal Pawite, Biakbuk Pawite le nisima a kisam bangin TOPA tungah meihal biakna a pia hi. 14 A pa David ngeinakipte zui-in siampite amau sik nading munah a pawlpawlin seh a, phatna lamah Levi-te makaisakin nisim a kisapna tawh kizui-in siampite a huhsak hi. Amah in kongpi tuamtuamte adingin kongpi cingte zong a seh hi, bang hang hiam cih leh Pasian mipa David thupiaksa ahi hi. 15 Kumpipa in siampite le Levi-te tungah a thupiakna thu khatpeuh le vanmanpha koihna tawh kisai-ah amaute a ngentel mahmah uh hi.
16 TOPA biakinnpi a bulpi a kiphuha kipan a mansiang dong Solomon geelsa zui-a kisemkhia ahi hi. Tuaci-in TOPA biakinnpi a kizo hi.