Biakinnpi Vanzatte
4
1 Amah in a dung tong sawm nih a vai tong sawm nih, a sanna ea tong sawm a pha sumngo biakna-tau khat a dawh hi. 2 Amah in daal sungin Tuipi bawl a, a bemsak hi; a geivial pan a geivial khat dong tong sawm pha a, tong fb nga a sang hi. A gei kimkot tong gc sawmthum a pha hi. 3 A geivial nuai-ah bawngtal limte in umcih a - tong hd khatah sawm ta a om hi. Bawngtalte gualnih in Tuipi tawh a kisung khawm ahi hi.4 Bawngtal sawm le nih tungah Tuipi kinga-a, thum leilu-lam nga-in, thum nitumna-lam nga-a, thum leitaw-lam nga-in, thum nisuahna-lam a nga hi. Tuate tungah tuipi kinga a, kinungngat dimdiam in a om hi. 5 A sahna zapek ie khat hi a, hai bangin geivial nei a, unok pak tawh kibang hi. Bath jf tulthum a ta hi.
6 Tua ciangin amah in kisil nading kuangpi sawm bawl-a, leilu-lam ah nga koiha, leitaw-lam ah nga a koih hi. Tuate sungah meihal biakna vanzatte kisawp sianga, Tuipi ahileh siampite kisilna-a zat ding ahi hi.
7 Amah in a kigeelsa bangin kham meivak tunna sawm bawl-a, biakinnpi sung leitaw-lam pangah nga koihin, leilu-lam pangah nga a koih hi.
8 Amah in sabuai sawm bawl-a, biakinnpi sung leitaw-lam pangah nga koihin leilu-lam pangah nga a koih hi. Amah in tuithehna kham kuang-uk zakhat zong a bawl hi.
9 Amah in siampite inntual le inntual zapi umin inntual kongkhakte bawla, a kongkhakte sumngo a luan hi. 10 Amah in leitaw-lam pang leitaw nisuahna lam kiu ah Tuipi a koih hi.
11 Amah in beelte, vutluahnate le tuithehna kuang-ukte zong a bawl hi.
Tua ciangin Pasian biakinnpi sunga dingin Kumpi Solomon in a bawlsakte Huram in bawl khin ta a:
12 Khuampi nihte;
khuampi dawna a zepna kuang-uk lim nihte;
khuampi dawna a zepna len banga kiphan le kuang-uk lim nihte;
13 len phan banga kiphan kop nihte adingin a kibawl mangkawlsing lim zalite (khuampite ludawn zepna-in len banga kiphan khatah mangkawlsing gah gualnih ta ahi hi);
14 tuikuangpite le a tunnate;
15 Tuipi le a nuai-a a tuna bawngtal sawm le nihte;
16 beelte, vutluahnate, sathukna sikkeukate le vanzat kisam khempeuh ahi hi.
TOPA biakinnpi-a zat ding Kumpi Solomon adinga Huram-Abi in a bawl na khempeuh sumngo nawtngil vive ahi hi. 17 Jordan zanglei-a om Succoth le Zarethan kg kikala beellei ah kumpipa in hihte a sungsak hi. 18 Solomon bawl hih nate khempeuh tam lua ahi manin sumngote gihna zah kithei zo lo hi.
19 Solomon in Pasian biakinnpi sunga vanzat khempeuh zong bawl a:
kham biakna-tau;
Ompihna anlum koihna sabuaite;
20 a kigeelsa bangin biakbuk sungnung sunga meivak ding kham meivakte le a tunnate;
21 kham kibawl pak le meivakte le taitehte (tuate kham citak ahi hi);
22 tuithehna kuang-ukte, sikkeu liangsaute le biakna veinate; le kham a kibawl biakinnpi kongkhakte: Mun Siangtho Pen paina inn sungnung kongpite le innpi kongkhak-te ahi hi.