Solomon in Biakinnpi Lam
3
1 Tua ciangin Solomon in a pa David tunga TOPA a kilaakna mun Jerusalem a Moriah Vum ah TOPA biakinnpi lam a kipan hi. Tua mun pen Jebus-te Araunah da ancilna David gelnasa mun ahi hi. 2 Amah in ama uk zawh a kumlina a kha nihna a ni nihna ni-in lam a kipan hi.3 Pasian biakinnpi lam nadingin Solomon in a bul a phah (tehna lui tong cianga tehin) adung tong sawmguk sau-a, avai tong sawmnih a zai eb hi. 4 Biakinnpi mai-a innliim a inn cia mah zai-a tong fc sawmnih sau in, tong gd sawmnih mah a sang hi.
Amah in a sunglam kham citakin a luan hi. 5 Amah in inndeipi sung taksing lum bekbek dap-a, kham hoihtak tawh tuamin nisuh lim le khainiang limin a zem hi. 6 Amah in suang manpha-in biakinnpi a zem hi. Tuateh a kham zatte Parvaim kham ahi hi. 7 Amah in inntung dapna zawlte, kongmung-te, kawmte le biakinnpi kongpite khamin luan a, a kawmte tungah cherub-te a tuangsak hi.
8 Amah in Mun Siangtho Pen lam a, a dunglam biakinnpi vai tawh kizui-in tong sawmnih sau-in tong sawmnih a zai hi. Amah in a sunglam kham hoih talent he zaguk in a luan hi. 9 Kham siktukkilhte shekel if sawmnga khai ahi hi. Amah in inn tungnunglam zong khamin a luan hi.
10 Mun Siangtho Pen sungah singin cherub lim nih bawla, tuate khamin a luan hi. 11 Cherub-te kha a kizak kimin tong sawmnih a hi hi. A masa pen cherub kha khat tong jg nga sau a, biakinnpi kawm banin a kha langkhat zong tong nga mah sau a, cherub dang khat kha a ban hi. 12 Tua mah bangin a nihna cherub kha khat tong nga sau a, biakinnpi kawm langkhat banin a kha langkhat zong tong nga mah sau a cherub masapen kha a ban hi. 13 Hih cherub-te khate in tong sawmnih sung a khak hi. Amaute a khe un ding uh a, innpi kh sunglam a nga uh hi.
14 Amah in adum, adupsan le saihadial puan hoihin puanzak bawl a, a tungah cherub-te a tuangsak hi.
15 Amah in biakinnpi mai-ah tong sawmthum le nga asau ai, khuampi phut-a, tuate a luzepna tong nga tuak ahi hi. 16 Amah in khainiangte phana bj tuate khuampi dawnah a vial hi. Mangkawlsing gah zakhat bawl a tua khainiangte ah a gual hi. 17 Amah in tua khuampite biakinnpi mai leitaw lamah khat phut in, leilu lamah khat a phut hi. Leitaw lama pen Jakin ck ci a, leilu lama pen Boaz dl ci-in min a vawh hi.