<<    <     1 Khangthute     6     >    >> 
Levi
6
1 Levi tapate:
Gershon, Kohath le Merari.
2  Kohath tapate:
Amram, Izhar, Hebron le Uzziel.
3  Amram’ tate:
Aaron, Moses le Miriam.
Aaron’ tapate:
Nadab, Abihu, Eleazar le Ithamar.
4  Phinehas pa Eleazar,
Abishua pa Phinehas,
5  Bukki pa Abishua,
Uzzi pa Bukki,
6  Zerahiah pa Uzzi,
Meraioth pa Zerahiah,
7  Amariah pa Meraioh,
Ahitub pa Amariah,
8  Zadok pa Ahitub,
Ahimaaz pa Zadok.
9  Azariah pa Ahimaaz,
Johanan pa Azariah,
10  Azariah (Jerusalem a Solomon lam biakinnpi a siampi sempa) pa Johanan,
11  Amariah pa Azariah,
Ahitub pa Amariah,
12  Zadok pa Ahitub,
Shallum pa Zadok,
13  Hilkiah pa Shallum,
Azariah pa Hilkiah,
14  Seraiah pa Azariah,
le Jehozadak pa Seraiah ahi hi.
15 TOPA in Nebuchadnezzar khutin Judah-te Jerusalem ah sal-a a puakkhiat lai-in Jehozadak zong sal-in a kaikhawm hi.
16  Levi tapate:
Gershon, aa Kohath le Merari.
17  Hihte Gershon tapate minte ahi hi:
Libni le Shimei.
18  Kohath tapate:
Amram, Izhar, Hebron, le Uzziel.
19  Merari tapate:
Mahli le Mushi.
Hihte amau pate tawh kizui-a kigual Levi bawng’te ahi hi.
20  Gershon pan:
Ama tapa Libni, a tapa Jehath,
a tapa Zimmah, 21 a tapa Joah,
a tapa Iddo,
a tapa Zerah le a tapa Jeatherai.
22  Kohath suante:
Ama tapa Amminnadab, a tapa Korah,
a tapa Assir, 23 a tapa Elkanah,
a tapa Ebiasaph, a tapa Assir,
24  a tapa Tahath, a tapa Uriel,
a tapa Uzziah le a tapa Shaul.
25  Elkanah suante:
Amasai, Ahimoth,
26  a tapa ab Elkanah, a tapa Zophai,
a tapa Nahath, 27 a tapa Eliab,
a tapa Jeroham,
a tapa Elkanah le a tapa bc Samuel.
28  Samuel tapate:
A ta masa Joel cd hi-a
a tapa nihna Abijah ahi hi.
29  Merari suante:
Mahli, a tapa Libni,
a tapa Shimei, a tapa Uzzah,
30  a tapa Shimea,
a tapa Haggiah le a tapa Asaiah ahi hi.
Biakinnpi Tumtheih-tumte
31 Hihte, TOPA inn sungah thukhun singkuangpi a kikoih khita David in tumtheih uk dinga a koihte ahi hi. 32 Solomon in Jerusalem ah TOPA biakinnpi a lam mateng amaute in biakbuk mai, Kikhopna Puanbuk mai-ah tumtheih tum nasep a sem uh hi. Amaute hun dinga kisehsa hun tawh kizui-in amau seh hunhunin a sem uh hi.
33 Amau tapate tawh na a semkhawm mite hihte ahi hi:
Kohath-te pan:
Tumtheih siampa Heman pen,
Joel tapa, Samuel tapa,
34  Ekanah tapa, Jeroham tapa,
Eliel tapa, Toah tapa,
35  Zuph tapa, Elkanah tapa,
Mahath tapa, Amasai tapa,
36  Elkanah tapa, Joel tapa,
Azariah tapa, Zephaniah tapa,
37  Tahath tapa, Assir tapa,
Ebiasaph tapa, Korah tapa,
38  Izhar tapa, Kohath tapa,
Levi tapa, Israel tapa ahi hi.
39  Herman huhpa, a taklam-a a sem Asaph:
Asaph pen Nerekiah tapa, Shimea tapa,
40  Michael tapa, Baaseiah de tapa,
Malkijah tapa, 41 Ethni tapa,
Zerah tapa, Adaiah tapa,
42  Ethan tapa,
Zimmah tapa, Shimei tapa, 43 Jahath tapa,
Gershon tapa, Levi tapa;
44  le amaute a huh a veilam-ah Merari te:
Ethan pen Kishi tapa, Abdi tapa,
Malluch tapa, 45 Hashabiah tapa,
Amaziah tapa, Hilkiah tapa,
46  Amzi tapa, Bani tapa,
Shemer tapa, 47 Mahli tapa,
Merari tapa,
Levi tapa ahi hi.
48 Amau kithuahpih Levi-te, Pasian inn biakbuk-a nasep dangte khempeuh sem dingin a kiseh hi. 49 Ahi hangin Aaron le ama suante in, Pasian nasempa Moses thupiaksate tawh kizui-in Mun Siangtho Pen sungah nasep ahi, Israel adingin thoihdamna nasepte tawh kisai biakna-tau ah meihal biakna piakna le biakna-tau tungah gimnamtui hal nasep a sem ding uh hi.
50  Aaron suante hihte ahi hi:
Ama tapa Eleazar, a tapa Phinehas,
a tapa Abishua, a tapa 51 Bukki, a tapa Uzzi,
a tapa Zerahiah,
52  a tapa Meraioth, a tapa Amariah,
a tapa Ahitub, a tapa, 53 Zadok,
le a tapa Ahimaaz ahi hi.
54 Hihte in amau mun dinga kipia amau gamgi huamte (amaute Aaron suante sunga kihel Kohath bawng’ pana kisim ahi hi; bang hang hiam cih leh tanh a masapen amau ading ahi hi):
55 Amaute Judah a Hebron le a kima lonona gamte tawh kipia hi. 56 Ahi hangin lote le khuapi kima khuaneute Jephunneh tapa Caleb tungah kipia hi.
57 Tua ciangin Aaron suante Hebron (bukna khuapi khat), le Libnah, ef Jattir, Eshtemoa, 58 Hilen, Debir, 59 Ashan, Juttah, fg le Beth-Shemesh, a lonona gam khempeuh tawh kipiakhawm hi. 60 Tuateh Benjamin’ beh panin amaute Gibeon, gh Geba, Alemeth le Anathoth, a lonona gam khempeuh tawh kipia hi.
Hih Kohath bawng’te laka kihawmkhia khuapite a vekin sawm le thum ahi hi.
61 Kohath suan a omlaite adingin Manasseh beh alang le bawng’ dangte aa panin khuapi sawm kitanh hi.
62 Gershon suante a bawng’ bawng’ in Issachar, Asher, le Naphtali behte aa pan le Bashan a om Manasseh beh panin khuapi sawm le thum kitanh hi.
63 Merari suante, Reuben, Gad le Zebulun behte aa panin a bawng’ bawng’ tawh kizui-in khuapi sawm le nih kitanh hi.
64 Tua bangin Israel-te in Levi-te hih khuapite le a lononate a pia uh hi. 65 Judah, Simeon le Benjamin behte in a ma-a min om khuapite amaute a tanh uh hi.
66 Kohath bawng’te pawlkhatte adingin Ephraim behte gamgi a khuapi kipia hi.
67 Ephraim mualtung gam sungah Shechem (bukna khuapi khat), le Gezer hi 68 Jokmeam, Beth-Haron, 69 Aijalon le Gath Rimmon, a lonona gamte tawh amaute kipia hi.
70 Israel in Manasseh alangte aa panin Aner le Billeam, a lonona gamte tawh Kohath a omlaite tungah a pia hi.
71  Gershon-te ngah a nuai-ate ahi hi:
Manasseh beh alangte tung panin
Bashan a Golan le Ashtaroth a lonote tawh a ngah uh hi.
72  Issachar beh tung pan
Kedesh, Daberath ngah uh a; 73 Ramoth le Anem, a lonona gamte tawh a ngah uh hi.
74  Asher beh panin
Mashal, Abdon, 75 Hukok le Rehob, a lonona gamte tawh a ngah uh hi.
76  Naphtali beh panin
Galilee a Kedesh, Hammon, le Kiriathaim, a lonona gamte tawh a ngah uh hi.
77  Merari-te (Levi-te a omlai teng) in a nuai-a teng a ngah uh hi:
Zebulun beh panin Jokneam,
Kartah aj Rimmono le Tabor, a lonona gamte tawh ngah uh a;
78  Reuben beh panin Jordan gala Jericho nisuahna-lam
sehnel-gam sunga om Bezer, Jahzah, 79 Kedenoth le Mephaath, a lonona gamte tawh;
80  le Gad beh panin
Gilead a Ramoth, Mahanaim, 81 Heshbon le Jazer, a lonona gamte tawh a ngah uh hi.