Solomon tungah TOPA Kilak
9
1 Solomon in TOPA biakinnpi le kumpi-inn lam zo ta-a, sep a sawm teng khempeuh a mansiang khit ciangin 2 Gibeon a, ama tungah TOPA a kilah bangin a nih veina a kilak hi. 3 TOPA in ama tungah:"Ka mai-a na thungetna le na thumnate ka za khin hi; na lamsa hih biakinnpi ka Min a om tawntung nadingin a siangthoin kong sang khin hi. Tua lai ka mitsuan den dinga tua lai-ah ka lungsim a om den ding hi.
4 Nang na hileh na pa bangin na lungsim citaka thutangin na kalsuan a, ka thupiakte khempeuh semin ka thukipte le ka thukhamte na zuih leh 5 na pa David tungah: ‘Israel kumpi tokhom tunga tu ding mi na kisam ngei kei ding hi,’ ci-a ka ciamsa bangin Israel tungah na kumpi tokhom ka kipsak tawntung ding hi.
6 "Ahi hangin nang ca na hi a, na tapate ahi zongin kei hong taisan a keima hong piaksa thupiakte le thukipte zui loin pasian dangte na semin tuate na db biak uh leh 7 tua ciangin amaute ka piaksa leitang panin Israel ka khenkhia dinga ka Min dinga ka sianthosaksa hih biakinnpi kong nolh ding hi. Tua ciang mi khempeuh lakah Israel enghona le ciamnuihna kamin kizang ding hi. 8 Tu-in hih biakinnpi a hoih mahmah hangin a tawnkha khempeuh in lamdang sa lua in khelpau ding uh a, ‘Bang hangin TOPA in hih gam le hih biakinnpi tungah hih bang hih ahi hiam?’ ci ding uh hi. 9 Mite in, ‘Amaute in Egypt pana a pate uh a paikhiatpih TOPA amaute Pasian taisanin pasian dangte kawi uh a, bia-in amaute na sem uh ahi manin - hih bangin TOPA in amaute tungah siatna tungsak hi,’ ci-in dawng ding uh hi," a ci hi.
Solomon’ Nasep Dangte
10 Solomon in hih innpi nih - TOPA biakinnpi le kumpi-inn a lam hun kum sawmnih a bei ciangin - 11 Kumpi Solomon in Tyre kumpipa Hiram tungah Galilee gam sunga khuapi sawmnih a pia hi. Bang hang hiam cih leh Hiram in tamtak sing le taksing le kham a deih zahzah a puak hi. 12 Ahi hangin Solomon piaksa khuapite en dingin Hiram a pai ciangin tua khuapite tawh a lungkim kei hi. 13 Amah in, "Ka sanggampa aw, hih nong piak khuapite a bangci khuapi ahi hiam?" ci-in a dong hi. Tuateh amah in tuate Cabul ec Gam ci a, tuni dong minin a nei hi. 14 Tu-in Hiram in kumpipa kiangah kham talent 120 fd a khak hi.
15 Kumpi Solomon in aana-in nasem la-a, TOPA biakinnpi, ama kumpi-inn, a kip nading leicialte ge, Jerusalem kulh, le Hazor, Megiddo le Gezer-te a semsak hi. 16 (Egypt kumpi Pharaoh in Gezer simin a la hi. Amah in mei-in a hal hi. Amah in tua lai-a teng Canaan-te thata tua ciangin a tanu Solomon zi mo kenin a pia hi. 17 Tua hi a Solomon in Gezer a lampha hi.) Amah in Beth Horon Nuainung 18 Baalath, le - ama gam sung sehnel gama Tadmor hf tawh 19 a vankholna khuapi teng, a sakol-lengte le a sakolte ig koihna khuapi teng, Jerusalem sung, Lebanon sung le a ukna gamsung khempeuh ah a lam nop khempeuh a lam hi.
20 Amor-te, Hit-te, Periz -te, Hiv-te le Jebus-te khempeuh pan a om laite hi a, (hih mite Israel hi lo uh hi), 21 tua in, Israel-te in a cimansak jh zawh loh uh gam sunga om lai amaute suante hi a - Solomon in a sila dingin la-a na a sepsak, tuni donga a omsuakte ahi uh hi. 22 Ahi hangin Solomon in Israel-te khatpeuh sila dingin la lo hi; amaute galdo ding, kumpi ulian ding, galkap ulian ding, galkap bu ding le sakollengte le sakol tuangte uk dingin a koih hi. 23 Amaute Solomon nasepte a uk ulianpite zong hi uh a - nasem thuvan ulian 550 ahi hi.
24 David khuapi panin Solomon in ama adingin a lamsak kumpi-inn ah Pharaoh tanu a paitoh khit ciangin amah in a kip nading leicialte a bawl hi.
25 Solomon in TOPA adinga a dawh biakna-tau tungah kum khatin thumvei meihal biaknate le kilawmtakna biaknate ki pia a, tuate tawh TOPA mai-ah gimnamtui halin tua bangin biakinnpi ah lungdam kohna a tangtun hi.
26 Kumpi Solomon in San Tuipi lj gei-a om Edom gam Elath kianga om Ezion Geber ah tembawpite zong a bawl hi! 27 Tua ciangin Hiram in a mite - tuipi thu a thei tembaw hawlte - Solomon mite tawh tembaw nasem khawm dingin a sawl hi. 28 Amaute Ophir ah va tung uh a, kham talent 420 ak hong pua kikin Kumpi Solomon kiangah a tun uh hi.