1 Kumpite
Thupatna
Solomon kumpi a suah (BC 971 pawl) pan Ahab tapa Ahaziah dong a kikhenkham kumpi-gam thu kiciamteh hi. Alian 3 pan 11 dongah Solomon kumpi suahna le Jerusalem a biakinnpi le kumpi inn a lamnate kigelh hi.
Solomon a sih ciangin a tapa Rehobom in a kumpi tokhom luah a ahihangin kumpi-gam leilu-lam teng Jeroboam tungah khahsuah hi. Tua khita kipan saklam kumpi-gam teng Israel kici a, khanglam teng Judah kici hi. 1Kumpite alian tawpna sungah kumpi gilo Ahab thu le Ahab gitlohna le Israel’ thuman’lohna a mawhpaih Pasian kamsangpa Elijah thu gen hi.
1 Kumpite le 2 Kumpite gelhpa in Pasian le a thukhun tunga Israel muanhuaina thupi ngaihsut ahimanin, kumpi kimin a numei a pasalin Pasian tungah a muanhuaina le amuanhuai-lohna lak hi. Lai gelhpa in "TOPA muhna ah a maan in nasem hi," ahikeh "TOPA muhna ah giloin gamta hi," cih laigualte zang thithe in kumpipa hoihna le gitlohna ciangen hi.
Thukhente mah bangin laigelhpa in Israel in Pasian thu a man’ ciangin gam sung kilem a, ahihangin a mite thumang loin, milimte a biak uh ciangin Israel gam in gal le siatna thuak hi.
Athute tomlahna
Solomon man’ hun (1:1-11:43)
Rehoboam le Jeroboam (12:1-14:31)
Judah le Israel kumpite (15:1-16:34)
Elijah le Ahab (17:1-19:21)
Ahab le Jezebel man’ hun (20:1-22:53)