Moses in Behte Thupha Pia
"Sinai panin TOPA hong pai a,
Seir panin amaute tungah suakkhia-in,
Paran Vum panin a tangkhia hi.
Amah leitaw-lam panin ama mualdungah aa
misiangtho tampi tawh bb hong ton hi.
3 Hi takpi hi, nang in mite a itpa na hi a,
misiangthote khempeuh nangma khut sungah a om hi.
Na khephungah amaute kun uh a,
nang tung panin lamlahna a ngah uh hi;
4 Jacob mipite neih dingin
Moses in tua thukham ko hong pia hi.
5 Mite makaite,
Israel behte tawh a kikhop uh ciangin
amah Jeshurun cc tungah kumpipa ahi hi.
6 "Reuben si loin nungta henla,
ama mi tawm kei dd ta hen.
7 Tuateh Judah thu a genna hih ahi hi:
"TOPAaw, Judah kikona za in;
ama mite kiangah puak in.
Ama khut in amah a dal hi.
Galte a dona ah amah huh in."
8 Levi thu ah:
"Na Thummim le na Urim,
na angvan mipa aa ahi hi.
Amah Massah ah na zia-et a,
Meribah tuite ah amah tawh na kisel uh hi.
9 Amah in a nu le a pa,
‘Amaute ka thusim kei hi,’ ci hi.
Amah in a sanggampate theikha loin
ama tate phawk lo-a,
ahi hangin na thugen kemcingin
na thukhun a len cinten hi.
10 Amah in na gamtatna thuseh Jacob hilh a,
na thukham Israel a hilh hi.
Na mai-ah gimnamtui hong pia-a,
na biakna-tau ah meihal biakna buppi hong pia hi.
11 TOPA aw, ama siamna khempeuh thupha pia inla,
a khuta a septe tawh lungkim in.
Ama langa pangte kawngguh vatsak inla;
a tho zo nawn lo dingin a galte vatsak in," a ci hi.
12 Benjamin tawh kisai-in:
"TOPA in a itpa, amah in sun nilohin dal ahi manin
ama sungah khawl hithiat a,
TOPA itpa ama liangko kikalah a khawl hi," a ci hi.
13 Joseph tawh kisai-in:
"TOPA in a gam thupha pia in,
tunga van pan daitui manpha le
nuai-a om tuithukte tawh
14 ni in a puakkhiat a hoihpente le
khapi gahsuah a hoihpente tawh
15 tanglai mualte letsong limcipente le
tawntung mualneute gah phatna tawh;
16 leitung in, letsong hoihpente tawh kidim le
sawlbawk kuang kawma tengpa angvanna pia ta hen.
Hihte khempeuh Joseph lutungah khawl henla,
a sanggam pasalte laka ee kumpi a suakte taltangah om ta hen.
17 A thupina lamah bawng tacil a tal bangin;
a ki gam-bawngtal ki bang henla,
tuate tawh leimongte nangawna om
minamte si liam hen.
Tua bangin Ephraim tulsawmte hi henla,
tua bangin Manasseh tul tampite hi hen," a ci hi.
18 Zebulun tawh kisai-in:
"Zebulun aw, na paikhiatna ah nuamsa inla, Issachar aw,
na puanbuk sungah nuamsa in.
19 Amaute in mualtungah mite sam ding uh a,
tua lai-ah a thumaan biakna a pia ding uh hi;
amaute in tuipite bucinna le
sehnel sunga goute in pawi a bawl ding uh hi," a ci hi.
20 Gad tawh kisai-in:
"Gad kumpi gam a khangsakpa thupha ngah ahi hi!
Tua lai-ah humpi bangin Gad tenga,
lutang le ban a balkham hi.
21 Leitang hoihpenna mun amah’n teel a;
a makaite tanh ama adingin a kikoih hi.
Mipite lutang teng a kikhop uh ciangin amah in,
TOPAthumaanna in a deihna le
Israel tawh kisai thukhennate a semkhia hi," a ci hi.
22 Dan tawh kisai-in:
"Dan in Bashan panin a diangkhia
humpinelkai no ahi hi," a ci hi.
23 Naphtali tawh kisai-in:
"Naphtali in TOPA angvanna kicing ngahin
ama thupha tawh a kidim hi;
amah in leitaw lampang bual dong a luah ding hi," a ci hi.
24 Asher tawh kisai-in:
"Tapate sung panin Asher in thupha a ngah pen hi;
a sanggamte in amah angvan henla,
sathau sungah a khe silsak uh hen.
25 Na kongpi kalhnate uh sik le sumngo hi dinga
na nuntak sungteng uh na thakia ngei kei ding uh hi.
26 "Nang hong huh dingin vante tunga tuang le
thupina tawh meii tunga tuang
Jeshulun’ Pasian tawh a kibang khat beek a om kei hi.
27 Tawntung Pasian nangma bukna hi a,
ama tawntung bante nuai-ah a om hi.
Amah in na mai panin na galte hawlkhia dinga,
‘Amah susia un!’ ci ding hi.
28 Tua ciangin Israel guak lungmuangtakin teng dinga,
Jacob suante ahileh
vante in daitui a kiatsakna,
an le zuthak kicinna gamah a teng ding uh hi.
29 Israel aw, nang thupha hong kipia hi!
TOPA in nang banga
a hotkhiat kua om ahi hiam?
Amah nang hong huhpa le na lum hi a,
a minthang na namsau ahi hi.
Na mai panun na galte uh maizum dinga,
amau munsangte na tuancil ding uh hi," af a ci hi.