Canaan Gamgite
34
1 TOPA in Moses tungah, 2 "Israel-te thu pia inla, amaute kiangah, ‘Note luah dinga hong kipia Canaan gamah na lut uh ciangin hih bangin gamgi na nei ding uh hi.3 "‘Na leitaw-lam pang uh Edom gamgi dunga Zin Sehnel-gam khenkhat a kihel ding hi. A nisuahna lam ah na leitaw-lam gamgi uh Ci Tuipi c mong panin kipan dinga, 4 Mom-ai d Cianggek leitaw-lam kantanin Zin dong kizomsuakin Kadesh Barnea leitaw lamah a pai ding hi. Tua ciangin Hazar Addar ah pai-in Azmon dong kizomsuakin 5 tua lai-ah Egypt Wadi zomin Tuipi e a mong hi ding hi.
6 "‘Na nitumna-lam gamgi uh Tuipi Lian gei dungdung hi ding hi. Hih in nitumna lama na gamgi uh hi ding hi.
7 "‘Leilu lama na gamgi uh Tuipi Lian pan Hor Vum dong, 8 Hor Vum pan Lebo f Hamath dong kikhung ding hi. Tua ciangin Zedad dong gamgi pai dinga 9 Ziphron dong kizomin a mong Hazar Enan hi ding hi. Hih in leilu lama na gamgi ding uh ahi hi.
10 "‘Nisuahna lama na gamgi ding uh, Hazar Enan panin Shepham dong kikhung ding hi. 11 Shepham pen Riblah dong Ain nisuahna-lam pangah paisuk dinga Kinnereth g Tuipi nisuahna-lam dungah sawi zopsuk ding hi. 12 Tua ciangin gamgi Jordan dungah paisukin Ci Tuipi a mong hi ding hi.
"‘Hih gamgi huamkhak sung teng no gam ding ahi hi,’ ci-in gen in," a ci hi.
13 Moses in Israel-te kiangah, "Hih leitang a luah dingte aisan un. TOPA in beh kua le a langte piak dinga thu a piaksa ahi hi, 14 bang hang hiam cih leh Reuben-te beh le a innkuante, Gad-te beh le Manasseh-te beh alangte in amau luah ding ngah khin uh hi. 15 Hih beh nih le a langte in Jericho a a Jordan nisuahna lampang, nisuah-khiatna mun lam a luah dingun ngah khin uh hi," ci-in thu a pia hi.
16 TOPA in Moses kiangah, 17 "Hihte in note luah ding gam hong hawmsak dingte min ahi hi: Siampi Eleazer le Nun tapa Joshua. 18 Gam hawm huh dingin beh khat panin makai khat na sehkhia ding uh hi. 19 Amau minte in:
Judah beh panin,
Jephunneh tapa Caleb;
20 Simeon beh panin,
Ammihud tapa Shenuel;
21 Benjamin beh panin,
Kislon tapa Elidad;
22 Dan beh panin,
a makai Jogli tapa Bukki;
23 Joseph tapa Manasseh beh panin,
a makai Ephod tapa Hanniel;
24 Joseph tapa Ephraim beh panin
a makai Shiphtan tapa Kemuel;
25 Jebulun beh panin a makai
Parnach tapa Elizaphan;
26 Issachar beh panin,
a makai Azzan tapa Patiel;
27 Asher beh panin,
a makai Shelomi tapa Ahihud;
28 Naphtali beh panin,
a makai Ammihud tapa Pedahel," te ahi uh hi.
29 Canaan gama luah ding leitang hawm dinga TOPA thupiaksate hih mite ahi uh hi.