TOPA Aate Tatna
27
1 TOPA in Moses tungah, 2 "Israel-te hopih inla amaute tungah: ‘Mi khatpeuh in TOPA tungah a ki-apsa a kituak zah piak dinga a tuam mahmah in kiciamna a bawla, 3 tua mipa kum sawmnih le kum sawmguk kikal a upa ahileh mun siangtho shekel aa tawh kizui-in nguntang shekel bb sawmnga a pia ding hi; 4 tua ciangin numei ahileh a man dingin shekel cc sawmthumin seh in. 5 Tua mi kum nga le kum sawmnih kikal ahileh pasal aitang dingin shekel ad sawmnih seh inla numei aitang dingin shekel be sawm seh in. 6 A mi kha khat le kum nga kikal a upa ahileh pasal aitang dingin ngun shekel cf nga le numei ahileh ngun shekel dg thum seh in. 7 Tua mi kum sawmguk pan a tungsiah ahileh pasal aitang dingin shekel eh sawm le nga seh inla numei aitang dingin shekel sawm seh in. 8 A kiciam mipa a kiseh zah pia zo lo dingin a zawn luat leh siampipa kiangah tua mipa kipaipih dinga amah in a piak zawh dinga a kiciamna zah tawh kizui-in a piak zah ding a ciangtansak ding hi.9 "‘Ama kiciamna ganhing khat ahileh tua pen TOPA tunga biakna dingin kisang thei a, tua bangin TOPA tunga kipia ganhing a siangtho a suak hi. 10 Amah in a ganhing laih ahikeh a hoih lo tangin a hoih, ahikeh a hoih tangin a hoih loin a khek peuhmah kei ding hi; amah in ganhing khat tangin adang khat piak teitei a kul leh a tanga a piak pen tawh a nihin a siangtho a suak ding hi. 11 Piak dinga a ciam pen a sianglo ganhing - TOPA tungah biakna-a a kisang thei lote ahileh - siampipa tungah a ganhing kipia dinga, 12 amah in a hoihna le a hoih lohna tawh kizui-in a seh ding hi. Siampipa in aman a seh zah peuhpeuh aman hipah ding hi. 13 A neipa in a gan a tat nop leh aman zah tungah aman zah sehnga suah sehkhat behlap ding hi.
14 "‘Mi khat in TOPA tungah a siangtho na-in a inn a ap leh siampipa in a hoihna ahikeh a siatna - a ginatna khen ding hi. Tua ciangin siampipa sehna bangbang a kizang hi pah ding hi. 15 Mi khat in a apsa a inn a tat kik nop leh amah in a inn man zah sehnga suah sehkhat piakbeh dinga, tua inn ama aa suak kik ding hi.
16 "Mi khat in a innkuan leitang uh TOPA tungah a ap nop leh a sunga an piangzah tuatin aman kiseh ding hi - mangbuh-ham ci homer fi khat in ngun shekel sawmnga man hi. 17 Amah in Jubilee Kum hun laitakin a lo a ap leh a ma-a kisehsa mah kimangpah ding hi. 18 Ahi hangin Jubilee khitin a lo a ap leh, siampipa in Jubilee kum kik tawh kikal a kum phazah tuatin aman seh dinga, aman-a a seh zah kikhiam ding hi. 19 Lo ap mipa in a tat kik nop leh aman zah sehnga suah sehkhat behlap pelmawh dinga, a lo ama aa suak kik ding hi. 20 Bangbang ahi zongin a lo a tan kik lo ahikeh mi khatpeuh tungah a zuak khit leh a kitan kik thei nawn kei ding hi. 21 Tua logam Jubilee sunga a kipiakkhiat ciangin TOPA tunga ki-apsa lo mah bangin a siangtho a suak hi; tua pen siampite gj aa hi ding hi.
22 "‘Mi khat in amau innkuan leitang ahi lo a leisa lo khat TOPA tungah a ap kik leh, 23 siampipa in Jubilee Kum dong aman tuat dinga tua mipa in tua ni mah in a kiseh a man zah TOPA tungah a siangtho-in a pia tektek ding hi. 24 Jubilee Kum sungin a lo pen a leina lo nei mipa tungah kitungsak kik ding hi. 25 Na man peuhmah mun siangtho shekel tawh kizui-in kiseh ding hi; gerah sawmnih shekel khat ahi hi.
26 "’Bangbang ahi zongin tacil peuhmah TOPA aa ahi khit nungsangin ganhing tacil peuhmah tua bangin a ki-ap thei kei ding hi; bawngtal hk ahi a tuu ahi zongin TOPA aa ahi hi. 27 A sianglo ganhing khat ahileh aman kiseh zah ah aman zah sehnga suah sehkhat behlapin lei kik thei ding hi. A tat kik kei leh aman kiseh zahin kizuak ding hi.
28 "‘Ahi hangin mi khatin bangmah a neih kei a, TOPA tungah a kipumpiak il leh mihing ahikeh ganhing ahikeh innkuan leitang - kizuak ahikeh kitan thei ding hi; tua banga kipumpiak na peuhmah TOPA adingin a siangtho pen ahi hi.
29 "‘Mihing tua banga suksiat mang jm dinga kipum-apsa pen kitan thei lo dinga; pel loin kithat ding hi.
30 "‘Leitanga piang na khempeuh sawma khat - leitang pana piang gah ahikeh singkung pana gahte TOPA aa ahi hi; TOPA adingin siangtho hi. 31 Mi khat in ama neihsa sawma khat a tat leh aman zah sehnga suah sehkhat piak beh ding hi. 32 Bawng hon le tuuhon pana sawma khat buppi - gancingpa ciangkhut nuai-ah paisakin, a sawm cinna pen peuhmah - TOPA adingin a siangtho hi ding hi. 33 Amah in a hoih lo lak pana a hoih tengkhia ahikeh a khek kei ding hi. A khek zenzen leh a ganhing le a khekna a nihin a siangtho suak dinga, a kitan thei kei ding hi,’ ci in," a ci hi.
34 Hihte in Israel-te adinga Sinai Vum tungah TOPA in Moses tunga a thupiakte ahi hi.