Siampite ading Ngeinate
21
1 TOPA in Moses tungah, "Siampi Aaron tapate hopih inla amaute tungah: ‘Siampi khat a mite lakah misi khatpeuh 2 tanau kinaipih - a nu ahikeh a pa, a tanu ahikeh a tapa, a sanggampa 3 ahikeh pasal a neih loh mana ama khoisa-a om pasal nei nai lo a sanggamnu - tua bang a sanggamnu hangin amah asianglo kisuah kha ding hi; tuate bang ahi kei ngal leh a sianglo kisuaksak kei hen. 4 Zi-le-ta ba a kineihna hanga kitanauna tawh kisai-in amah le amah asianglo kisuaksak peuhmah kei hen.5 "‘Siampite in a sam uh met lo, a khamul uh zong tantom loin a pumpi uh zong a atkeh kei ding uh hi. 6 A Pasian uh tungah amaute siangtho ding uh a, amaute Pasian min a daisak kei ding uh hi. Bang hang hiam cih leh amaute in amau Pasian an TOPA tungah meihal biakna pia uh ahi manin amaute a siangtho ding uh hi.
7 "‘Amaute in a kizuak ahikeh a pasalte uh maksa - a buahsa numei a tenpih peuhmah kei ding uh hi; ahang in, siampite amau Pasian tungah a siangtho uh hi. 8 Amaute a siangtho bangin ngaihsun un, bang hang hiam cih leh na Pasian uh an a lui amaute ahi uh hi. Amaute a siangtho-in ngaihsun un, bang hang hiam cih leh note hong siangthosak cbTOPA keimah ka siangtho hi.
9 "’Siampite tanu khat kizuakin amah le amah a kinitsak leh a pa a daisak ahi hi; tuanu mei-in kihal pelmawh ding hi.
10 "‘Tulpipa, a sanggam pasalte laka, a lutungah nilh sathau kibuak-a, siampi puante silh dinga a kikipsaksa pa in a sam hiat loh dc in koih lo dinga, a puan zong a balkek kei ding hi. 11 Amah misi luang omna munah a lut peuhmah kei ding hi. A nu ahikeh a pa hang nangawnin amah le amah kininsak lo dinga, 12 ama Pasian mun siangtho nusia lo tham loin a thanghuaisak kei ding hi; bang hang hiam cih leh ama Pasian’ nilh sathau-in amah a ki-apsa ahi hi. Keimah TOPA ka hi hi.
13 "‘Amah tenpih numei pen nungak bit hi pelmawh ding hi. 14 Meigong, a kimasa numei, ahikeh a kizuak a ninsa numei tawh kiteng peuhmah lo dinga, ahi hangin ama mipih nungak bit tawh a teng ding hi; 15 tua pen ama mipihte lakah a suan-le-khakte a buahsak loh nading ahi hi. Keimah TOPA amah a siangthosakpa ka hi hi,’ ed ci in," a ci hi.
16 TOPA in Moses tungah 17 Aaron tungah: ‘Khang sawnsawnte adingin na suan-le-khakte in melhemna a nei peuhmah in ama Pasian an pia-in a kiang a naih kei ding uh hi. 18 Melhemna a nei mi kuamah ka kiangah hong pai thei lo ding hi, tuate: mittaw ahikeh khebai, mi cinglo ahikeh poina a nei; 19 khut poi ahikeh khe poi, 20 ahikeh nungkul ahikeh a tuntom, ahikeh mitphoi, ahikeh meima nasia ahikeh meima nai luangluang ahikeh ciltang kitam-te ahi hi. 21 Siampi Aaron suan-le-khakte melhemna a nei peuhmah in TOPA mai-ah mei-a hal biakna pia dingin a naih thei kei ding uh hi. Poina khat a neih leh; Pasian an lui dingin a kiangah a pai peuhmah kei ding hi. 22 Amah in Pasian an siangtho pen le an siangtho a ne thei ding hi; 23 ahi hangin a poina hangin puanzak naih ah pai peuhmah loin biakna-tau naih lo dinga, ka mun siangtho a buahsak peuhmah kei ding hi. Keimah amaute a siangthosak TOPA ka hi hi,’ ci in," fe a ci hi.
24 Tua khit ciangin Moses in Aaron le a tapate le Israel-te khempeuh tungah a gen hi.