Singkuangpi
37
1 Bezalel in singkha singkuangpi-tong nih le alang sau, tong khat le alang zai, tong khat le alang sang ea khat a bawl hi. 2 Amah in a sung a pua kham citak tui luana, a kimkotah kham geihual a bawl hi. 3 Tua-a zat dingin kham kual li sunga, a khe lite lang khatah kual nih, a lang khatah kual nih mah a bulh hi. 4 Tua ciangin amah in singkha zawl sui-a, tuate khamtui a luan hi. 5 Amah in tua puak nadingin a panga kualte sungah zawlte a khum hi.6 Amah in tong nih le alang sau, tong khat le alang zai fb kham citak tawh kibawl thoihdamna sin a bawl hi. 7 Tua ciangin amah in a sin mong tuakah kham kiseek cherubim nih a bawl hi. 8 Amah in a mong khatah cherub khat bawlin a mong dang khatah a nihna a bawl hi; amah in a mongte gel a sin tawh sakhatin a bawl hi. 9 Tua cherubim-te in a khate uh a tung lamah zaakto uh a, a sin a limsun uh hi. Cherubim-te kimaingat uh a, a sin lam a en uh hi.
Sabuai
10 Amaute gc in singkha-sing tawh - tong nih sau, tong khat zai, tong khat le alang a sang hd sabuai a bawl uh hi. 11 Tua ciangin amaute in kham citak tawh tuate luan uh a, a kimkotah kham geihual a bawl uh hi. 12 Amaute in a kimkotah zapek ie cia a zai a geidal khat zong bawlin a geidal tungah kham geihual a neisak uh hi. 13 Amaute in sabuai ading kham kual li sung uh a, a khe omna mun a kiu lite ah a bulh uh hi. 14 A kualte, sabuai puakna-a kizang zawlte a len dingin a geidal neh in kikoih hi. 15 Sabuai puak nading zawlte singkha sing kisui hi a, khamtui-in a kiluan hi. 16 Tua hi-a, amaute in sabuai-a zat ding nate - a kuangdai-te, a kuang-ukte le dawntheih-a biakna sun nading kuangkumte le a beltungte kham citak tawh a bawl uh hi.
Meivak Tunna
17 Amaute in kham citak tawh meivak tunna bawl uh a, a bul le a kungte a seek uh hi; pak tawh kibang haite a ngumte le a pakpalhte a kung tawh sakhat ahi hi. 18 Meivak tunna panin ka guk - pang khatah thum, a pang lang khatah thum kakhia hi. 19 Hiang khatah almond pakte tawh a kibang hai thumte, a ngumte le a pakte oma, a zomah thum mah omin meivak tunna panin a hiang gukte khempeuh a kibangin a kakhia hi. 20 Tua hi a, meivak tunna tungah almond pakte tawh a kibang hai li le a ngum le a pakte a om hi. 21 Meivak tunna pana a kopa a kat masakna nuai-ah a ngum khat oma, a kop nihna katna nuai-ah a ngum a nihna mah omin, a kop thumna a katna nuai-ah a ngum a thumna oma - a vekin a hiang guk ahi hi. 22 A hiangte le a ngumte, meivak tunna tawh a vekin sakhat hi a, kham citak kiseek ahi hi.
23 Amaute in meivak sagihte a eksiakna le a kuangdai tawh kham citakin a bawl uh hi. 24 Amaute in meivak tunna le a vanzatte khempeuh kham citak talent af khatin a bawl uh hi.
Gimnamtui-a Biakna-tau
25 Amaute in singkha sing zangin gimnamtui-a biakna-tau a bawl uh hi. Tua pen tong khat sau, tong khat za-in a ningkim hi a, tong nih sang bg in - a kite tawh sakhata kibawl ahi hi. 26 Amaute in a tung teng le a pang khempeuh le a kite kham citakin luan uh a, a kimkotah kham geihual a bawl uh hi. 27 Amaute in a geihual nuai ah kham kual nih - a kigalsai-in nih tuak - a puak nading a zawlte len dingin a bawl uh hi. 28 Amaute in singkha zawl sui uh a, tuate khamtui a luan uh hi.
29 Amaute in nilh sathau siangtho le pak namtui bawlte bawl - gimnamtui citak zong a bawl uh hi.