Jacob in A Tapate Thupha Pia
49
1 Tua khit ciangin Jacob in a tapate samsak a: "Mailam huna hong piang ding thute kong gen theih nadingin hong ki-um dih un.2 "Jacob tapate aw, kikhawm unla ngai un;
na pa uh Israel thu ngai un.
3 "Reuben aw, nang ka tapa upa pen na hi-a,
ka thahatna, ka thacil lim,
pahtawina sang pen le vangliatna sang pen na hi hi.
4 Tuita khang bang na hi a, mitung na tuang nawn kei ding hi;
ahang in, na pa’ lupna tungah na kahto-a,
ka lupna-ah kah in na buahsak hi.
5 "Simeon le Levi unau ahi hi -
a namsaute ha uh ngongtatna hiam ahi hi.
6 Amau thukupna-ah
hong lutsak kei in,
ahang in amaute hehin mi that uh a,
a ut bangun bawngtal zagui a sattat uh hi.
7 A hehluatna uh le
a kheltat lua amau lungsona kihamsiat ta hen!
Amaute Jacob sungah ka khenthang dinga,
amaute Israel sungah ka thehthang ding hi.
8 Judah ab aw, na sanggamte in nang hong phat ding uh hi;
na galte na tawlmek ding hi;
na pa’ tate na mai-ah kun ding uh hi.
9 Judah aw, nang humpinelkai no na hi hi;
ka ta aw, na sa nek lai na paisan ta hi.
Humpinelkai pa bangin amah thamvakin a lum hi.
Humpinelkai nu a bang - amah kuan phong ngam ding hiam?
10 Judah panin ukna sikciang- khut kikhenkhia lo dinga,
a khepekte kikal pan ukna ciangkhut zong a neipa bc kiang a tun mateng le
minamte in ama thu a man mateng
amah tawh a kikhenkhia kei ding hi.
11 Lenggui-ah ama laa khih in
lenggui hoih penah a laano a khih hi;
lenggahzu sungah a puante sawp dinga,
lenggah sisanin a puantualpite a sawp ding hi.
12 A mitte lenggahzu sangin sanzaw dinga,
a hate bawngnawi cd sangin pakzaw ding hi.
13 "Tuipi gei-ah Zebulun teng dinga,
tembaw khawlmun suak ding hi;
ama gamgi Sidon lamah kikhan ding hi.
14 "Issachar pen a guh zaw de laa hi a,
laa van beleng ef nih kikal-a lum ahi hi.
15 A khawlna mun hoih a sakna le
ama leitang nopna a muh ciangin
van pua dingin a liangko niamsak a,
anaa-a nasem dingin a ki-ap hi.
16 "Dan fg in Israel minamte khat bangin
ama mite thutangin uk ding hi.
17 Dan pen lam gei-a gulpi hi dinga,
lamdungah a tunga tuangpa
a tawtuksak nadinga
sakol khetul a tu ngan hi ding hi.
18 "TOPA aw, nong hutna ka zong hi.
19 "Buluh honte in Gad, gh buluh ding uh a,
ahi hangin amah in a khetul panin a do ding hi.
20 "Asher’ an lim ding hi;
amah in kumpi an ding zah-a lim a puak ding hi.
21 "Naphtali, a kikhahkhia sakhipi hi-a,
a melhoih sakhinote hi a suakkhia hi.
22 "Joseph pen lenggui gahpha hi-a,
tuinak gei-a lenggui gahpha,
a hiangte kulh tunga zaam ij ahi hi.
23 Thalkapte in amah nakpi-in sim uh a,
amaute in amah kapin gentheisak uh hi.
24 Ahi hangin ama thal ling lo-a, jk
ama khut khauhte a manlang hi.
Jacob’ Thahatpa’ khut hang,
Israel’ Suangpi, Tuucingpa hang,
25 nang hong huh na pa’ Pasian hang,
tunglam-a vantung thuphate,
leinuai thukpi-a om thuphate le
nawi le sul thuphate tawh nang thupha hong pia
Thahatpen-Pa kl hang ahi hi.
26 Na pa’ thuphate,
tanglai mualte’ thuphate sangin lianzaw a,
Tanglai mualnote aa sangin a lianzaw lm
Hihte khempeuh Joseph lutung le
a sanggam pasalte’ lak-a mn ulianpa’ taltangah om ta hen.
27 "Benjamin pen a hap buahbuah keivom hi-a,
zingsangin a sa matsa nomvalhin,
nitakin a matsa teng a hawm hi," ci hi.
28 Hihte khempeuh Israel beh sawm le nihte, a pa in amaute thupha a piakin amau tunga a gen hi-a, amau hina tawh kituakin thupha pia ciat hi.
Jacob Sihna
29 Tua khit ciangin amah in amaute hih bangin thu a hilh hi: "Kei ka mite kiangah hong kigawm ding hi ta hi. Abraham in kivuina mun-a neih dinga Hit mi Ephron tung pana lo tawh a lei khawm Canaan a, Mamre kianga om 30 Machpelah lo-a suanghawm Hit mi Ephron’ lo-a suanghawm sungah ka pate tawh kei hong vuikhawm un. 31 Tua lai-ah Abraham le a zi Sarah kivui-a, tua lai-ah Isaac le a zi Rebekah-te kivui-a, tua lai-ah Leah ka vui hi. 32 Tua lo leh a sunga suanghawm, Hit mite no tung pana kileisa ahi hi," ci hi.
33 Jacob in a tapate a lamlahna a man ciangin a lupna-ah a khe nga to-a, a hu nunung pen sangin a mipihte kiangah a kigawm hi.