Bethel ah Jacob Kileh
35
1 Tua ciangin Pasian in Jacob kiangah, "Bethel ah paito inla tua lai-ah teng in. Tua lai-ah na sanggampa Esau pana na tai lai-a hong kilang Pasian tungah biakna-tau khat dawh in," ci hi.2 Tua ciangin Jacob in a innkuanpihte le amah tawh a omte khempeuh tungah, "Na kep uh gamdang pasiante paikhia unla, no le no kisiansuahin na puansilh uh khek un. 3 Tua khit ciangin hong pai un, ka lungkham laitaka hong dawng, ka painasa tenga hong ompih Pasian tungah biakna-tau khat ka dawhna Bethel ah pai to ni," ci hi. 4 Tua ciangin amaute in a neih uh gamdang pasiante khempeuh le a bilbahte uh Jacob pia uh a, Jacob in Shechem a tehno sing nuai-ah a phum hi. 5 Tua ciangin amaute dingkhia uh a, kuamah in amaute a delh loh nadingin amaute kima om khuate ah Pasian in lauhuaina a tungsak hi.
6 Jacob le amah tawh a omkhawm mi khempeuh Canaan gama Luz (tua pen Bethel) tung uh hi. 7 Tua lai-ah biakna-tau khat dawha, tua mun El Bethel ca a ci hi; bang hang hiam cih leh a sanggampa pana a tai lai-in tua lai-ah Pasian mahmah ama tungah kilaak hi.
8 Tu-in Rebekah cingnu Deborah si a, Bethel a tehno phung nuai-ah kivui hi. Tua ahi ciangin tua mun Allon Bacuth db kiphuak hi.
9 Paddan Aram ec pan Jacob a kileh khit ciangin ama tungah Pasian kilak kik a, thupha pia hi. 10 Pasian in ama kiangah, "Na min Jacob fd ahi hi; ahi hangin Jacob na kici nawn kei ding hi; na min Israel ge hi ding hi," ci hi. Tua ahi ciangin ama min Israel a phuak hi.
11 Tua ciangin Pasian in a kiangah, "Keimah a Thahatpen hf Pasian ka hi hi; cipha unla khangin tampi pha un. Nang panin minam khat le minam hon khat piang dinga, na pumpi sung panin kumpite piang ding hi; 12 Abraham le Isaac ka piaksa leitang, nang zong kong pia-a, nang nunga na suan-le-khakte ka pia hi," ci hi. 13 Tua ciangin amah a hopihna mun ama kiang pan Pasian a paito hi.
14 Pasian in amah a hopihna munah Jacob in suangkhuam khat phuta, tua tungah dawn theih biakna a buak hi; tua tungah sathau zong buak hi. 15 Jacob in Pasian in amah a hopihna mun min Behtel ig phuak hi.
Isaac le Rachel Sihna
16 Tua ciangin Bethel pan kikhinkhia uh a Ephrath pan a gamla sim a tun laitakun Rachel suak dingin kithawi-a haksa sa mahmah hi. 17 A nausuahna haksa a sak mahmah laitakin naudomnu in ama kiangah, "Tapa dang nei na hi manin lau kei in," ci hi. 18 Amah in si dinga - a husan nunung penin - a tapa’ min Ben-Oni jh phuak hi. Ahi hangin a pa in ama min Benjamin ki a phuak hi.
19 Tua ciangin Rachel si-a, Ephrath (tuapen, Bethlehem) zuatna lampi-ah kivui hi. 20 Jacob in a han tungah khuam khat phut a, tuni dongin tua khuam pen Rachel han ciamtehna ahi hi.
21 Israel kikhin leuleu a, Migdal Eder galah puanbuk lam hi. 22 Tua kual tengah Israel a ten laitakin Reuben lut-a a pa’ zino Bilhah luppih in, Israel in tua thu a za hi.
Jacob in tapa sawm-le-nih nei hi:
23 Leah’ tapate:
Jacob ta masa Reuben,
Simeon, Levi, Judah, Issachar le Zebulun.
24 Rachel’ tapate:
Joseph le Benjamin.
25 Rachel’ nasemnu Bilhah’ tapate:
Dan le Naphtali.
26 Leah’ nasemnu Zilpah’ tapate:
Gad le Asher.
Hihte, Paddan Aram a suak Jacob’ tapate ahi hi.