Wahyu i

Wahyu

Allahdi, amenda sirya taru kupkamre keca tep, katuai benbenepra lap peipupa, Yohanesdi epra sekeipseu upu

Abuku seku deiyo ngeboda, Yohanes kuramu. Yohanesdi asurat seku taruda, Roma mutu yuma talepra ila nimi deiyo ngebo, er sida Nero Domitian, kuramu. Sun Roma mutu deiyo neng yumadi, ‘Nun sipu ereipkamserume,’ pepra deipya tep, Yesus si cap, Allah er si cap eremami nesala yuma tep, ikin keca sun nong deiki deriramidi, porami. Ukuramya tep, ton teka tenena nesaladi, Yesus er upu tamami. Ton ngeda, men tamami dinin, kware weik kurami. Roma mutu deiyo nengdi peipipa, jen talen nengdi, Yohanes dopra, ateng kouprapidi, tenpu mutu Patmos neitamai, wenemna ati pumbon dongopi. Patmos mutuda, laut mokon neitamai, dana-dana tara yuma, mokon sekdongomu mutu kuramu. Yohanesdi, amutu kuramu taru neitamai di asurat sekeipseu.

Abuku neitamai, ‘Ila mambule’ tenen, sekeipseu upuda ake. Ada, “Yuk nimi si cap, yuk tali keca cap tep, sun si erepra gispal dona meme. Allah er sipu eremkamrume,” pepu. Tonda, “Amenda taruda, Yesus Kristusdi, Kain Jen Ngebo cap, er nyapsilip cap, er amutara kunge nesala yuma cap tep, bisbisa kapkamre. Ataruda, Allahdi nesala ban-ban yuma tep, upu bokeipkamsere. Mali nesala tep, wenepredi uku jen ban dokotepkamre. Er tep teka tenepra, dumsisi kunge nesala tep, ‘Telepe, ne damai wengyaso,’ pepra, menenga keca karepkamsere,” pepu.