1 Yohanes
Yohanesdi, menmena taru sekeipseu upu
Yohanesda, Yesusdi wepra deiamu neng, sun 12 neng kan-kan ton kuramu. Yohanesdi, asurat cap, butene ton cap, sekra, asurat weneri deiki er si sekra deipu. Tonda, Yohanesdi, Injil Yohanes cap, buku Wahyu cap sekra deipseue. Yesusdi, Yohanes tep dipru karepudi, kange deipu (Yohanes 13:23). Yohanesda Yesus cap kikiman embaramudi, Yesus pel doramunge yuma cap, peteremamunge yuma cap, gekeramudi diramu (1:1-4). Yohanesda, Asia tara neitamai peterep embaramudi, Efesus mutu kuramu taru di, asurat sekra dokotepu.
Yohanesdi asurat seku taruda, mok upu peteremna neng weik peterep embaramidi uperami. “Nun nong yumada, pio mali keca cadi, Yesusda, tek sisi nimi nong utopu men daue,” pepra mok perami. Tonda, “Mali kuna yala-yala yuma cap, tali nyangdana cap, telepe pua,” pepra mok perami. Tonda, “Lyemna kecada, Yesus teka tenena deiki di, nimi lyemna keca men doproptepe,” pepra, mok upu peteremami. Ukupra peteremamipa, Yohanesdi, ‘Asia tara teka tenenge nesaladi, amok upu teka tenepkamnung’ tenen, asurat sekamua deiki di upu sekdongopu. Yohanesdi, “Sun teka tenerum nesalada, kange tenimtona gum di, ‘Tek sisi Yesus konum lyepseue’ tenen, dimpeprappu teka tenenkamrume,” pepu (5:13).