Matius
Matiusdi, Yesus er kai telep upu tep, seku upu
Abuku sekua deiyo ngeboda, Matius kuramu. Matiusda, Yesusdi wepra deiamu neng, sun 12 neng kankan kuramu. Angeboda, Yesus kapul teka men tenepu taru, Matiusda, Roma mutu nimi deiyo neng karena tep, co bo bulupra derina deiyo ngebo kuramudi, aco boda upula weik doramu dinin, Yesusdi, ‘Angebo ne upu peterembenkamre’ tenen, Yesusdi Matius upupupa, Yesus teka tenepudi, mali kuramunge yuma tapra, Yesus melipra dombaramu.
Markusdi er seku buku Injil Markus, konum sekupane, amenda taruda Matiusdi, ‘Yahudi yala nengdi Yesus teka tenenkameng’ tenen, abuku Injil Matius seku. Yahudi yala neng yumadi, ‘Nimi Lyemna Deiyo Ngebo yankamsere’ tenen, pio kalekra dinapu kuramya tep, Matiusdi, ‘Gume, nimi Lyemna Deiyo Ngeboda, yuk ngebo gume, Yesus er konum yanmasere, tenepra teka tenenkameng’ tenen, abuku sekudi Yahudi yala nesala tep karepu.