Baŋa-Wɛ, duri dɩbam yibwənə!
123
Amʋ kwǝni a yiǝ wɛɛnɩa nii nmʋ Baŋa-Wɛ mʋ.
Nmʋ yɩ dɩlʋ paarɩ na di
wɛyuu nɩ tɩn mʋ.
2 Nɩ gambɛ dɩ tɩntʋŋ-kaana
na beeri yibwənə
ba yuutiinə bam tee nɩ te tɩn,
dɩbam dɩ nii dɩ́ Tu Baŋa-Wɛ seeni kʋntʋ mʋ
sɩ DƖ ba DƖ duri dɩ́ yibwənə.
3 Baŋa-Wɛ, popo
tɔgɩ n yu-yoŋo dɩm baŋa
n duri dɩbam ŋwaŋa.
Bɛŋwaanɩ, dɩ́ dʋna tiini
ba twɩ dɩbam sɩ kʋ gaalɩ.
4 Cɩga tɩn, dɩ́ yɩra yam laan mʋ cɛ
dɩ nadunə na jɩgɩ dɩbam ba mwana
yɩ zwabani-nyɩna
dɩ gooni dɩbam te tɩn.