4
1 Kaghuni daŋahəgaha,
ŋanawa ŋa ta kwalvaha ghuni ta tɗukwa ni nda rakwa ni.
Ɗina ka snaŋta ghuni guli kazlay:
Mamu daŋahəga ni həga kaghuni guli ta luwa kəʼa.
Vla hiɗaku
2 Gɗawa gɗa ta maga duʼa,
mantsa ya dzaʼa kəl kuni ka nzata hzleŋa nda rfanaghatá Lazglafta.
3 Magawa duʼa guli ta ghəŋa aŋni,
kada gunaŋnaŋta Lazglafta ta wa tgha ŋa mnanaŋta gwaɗa ni ta mnduha,
mnanaŋha ŋni ta ɗifatá skwa *Kristi guli ta həŋ.
Tsa vəl magay ɗa ta ɗifatá skwa Kristi ya kəl lu ka hbamtá iʼi.
4 Magawa duʼa ta ghəŋa ɗa ŋa laviŋta ɗa ta mnaŋta gwaɗa ta ghəŋa ni dardar manda ya ta raku.
5 Nzawa nza nda ɗifil ta vata gwal kul zlghafta Kristi.
Dər yawu mutsafta kuni ta katsaftá maga ŋərma skwi ya,
ma zlidiŋ kuni ta tsa fitik ya.
6 Ma gwaɗa ta gwaɗ kuni,
gwaɗa tɗukwa katsi sabi ma wubisima ghuni,
hmətət katsi nzata.
Nda tva ni ka kuni zlgha wi ŋa mndu.
Ga zgu
7 Tisikª ta nzakway ka zwaŋama,
ham ha ta ghəŋa ni ma slna Kristi.
Kawadaga ŋni nda tsi ta ksa slna Mgham Yesu.
Dzaʼa mnaghuna mna ta gwaɗa ta ghəŋa ɗa.
8 Ta ghunadap ghuna yu paɗak da kaghuni ŋa snaŋta ghuni ta nzakwa ŋni,
ŋa vlaghunata ni ta mbraku guli.
9 Kawadaga həŋ ta lab da kaghuni nda Unesimaª,
ta nzakway ka zwaŋama mu.
Tsatsi guli,
ŋərma mndu ya,
zwaŋa ghuni ya guli.
Dzaʼa mnaghuna mna həŋ ta skwi ta magaku hadna.
10 Ta ga zgu Aristarkusª ŋa ghuni hbam lu kawadaga nda iʼi.
Ta ga zgu Markus ta nzakway ka zbughuma Barnabas ya ŋa ghuni guli.
Ka ɓhadagha ɓha tsi da kaghuni,
ka tsuʼafta kuni.
Nda ghada snaŋta ghuni ta gwaɗa ta ghəŋa ni.
11 Ta ga zgu Yustus,
ta hgə lu ka Yestus ya ŋa ghuni guli.
Tsa hahəŋ yeya la *Yahuda ta ksa slna ga mgham Lazglafta kawadaga nda iʼi hadna.
Ndaɗaʼa ksiɗimta həŋ ta ŋuɗuf wa.
12 Ta ga zgu Ipafrasª ta nzakway ka mnda ghuni ya,
ŋa ghuni guli.
Kwalva Yesu Kristi ya.
Haɗ ta zlaŋtá maga duʼa da Lazglafta ta ghəŋa kaghuni wa.
Ta magay ta duʼa ŋa dihavata ghuni,
ŋa sifaghunafta ta tva Lazglafta.
13 Nda ngha yu ka ghəŋa ɗa kəʼa ta va ŋavata ka ksa slna ta ghəŋa kaghuni,
nda ya ta ghəŋa gwal ma luwa Lawdikiya,
nda luwa Hiyerapulis.
14 Ta ga zgu Lukwaª vərɗa mnda mu ta nzakway ka duhtura ŋni ya guli ŋa ghuni.
Mantsa ya Demaska guli.
15 Ka ganaghata kuni ta zgu ta zwana ma ta nzakway ma luwa Lawdikiya,
nda Nimfa,
nda *Igliz ta guyavata ga taŋ ya.
16 Manda kɗiŋta ghuni ta dzaŋafta na ɗelewer na ná,
ka tsghanafta kuni ta Igliz ma luwa Lawdikiya ŋa dzaŋafta hahəŋ guli.
Ŋa dzaŋafta kaghuni guli ta ya dzaʼa tsghəgaghunapta gwal ma luwa Lawdikiya.
17 Mnanawa mna ta Artipusª « ka ŋavata tsi ma slna ya vlaŋ Mgham Yesu Kristi,
ŋa kɗanaftani. »
18 Nda dzva ɗa vindaghunafta yu kazlay:
Ta ga zgu iʼi Pwal ŋa ghuni kəʼa.
Havapwa hava ta hbatá iʼi ma gamak.
Ka nza zɗakatahuɗi nda kaghuni!