Zunusta Yesu ta skwa zay ta mnduha dəmbuʼ fwaɗ
8
1 Ma tsa fitik ya,
ka tskəglavatá ndəghata mnduha da *Yesu,
haɗ skwa zay ŋa zay taŋ wa.
Ka hgaŋtá Yesu ta duhwalha ni,
2 « Ta ksita ka hiɗahiɗa na mnduha na,
kabga mahkəna fitika taŋ na ta nzaku kawadaga nda iʼi,
haɗ skwi mutsaf həŋ ŋa zay guli wa.
3 Ka lawa la dzagha ghuni nda maya nda maya ka yu nda həŋ katsi,
mutsafta a həŋ ta mbraku ŋa mbaɗa ta tvi wa.
Wya sliʼaf ma vli diʼiŋ sanlaha mataba taŋ guli,
» kaʼa nda həŋ.
4 « Ga dzaʼa mutsafta lu ta skwa zay ma na mtak na,
ŋa vlaŋtá na mnduha na ŋa baghanaftá həŋ na?
» ka duhwalha ni nda tsi.
5 « Kidaghi buradi da kaghuni na?
» kaʼa nda həŋ.
« Ndəfáŋ həŋ,
» ka həŋ nda tsi.
6 Mantsa tama,
« nzawa nza rəp ta haɗik,
» ka Yesu nda tsa mnduha ya.
Ka nzatá həŋ.
Ka hlaftá Yesu ta tsa buradiha ndəfáŋ ya,
ka rfanaghatá tsi ta Lazglafta.
Tahula tsa,
ka ɓalanaptá tsi,
ka valaŋtá duhwalha ni,
ŋa daganaftá tsa mnduha ya.
Ka daganaftá hahəŋ ta tsa mnduha ya.
7 Mamu zwana klipi kiʼa guli da həŋ,
ka rfanaghatá Yesu ta Lazglafta ta ghəŋa tsa klipi ya,
ka valaŋtá tsi ta duhwalha ni.
« Daganafwa daga ta mnduha,
» kaʼa.
8 Ka zutá mnduha,
ka baghaftá həŋ.
Ka tskaftá lu ta pɗakwa ni ma vəl zay taŋ,
ka ghwanak ndəfáŋ.
9 Tsa mnduha ya na,
ta magay həŋ ta dəmbuʼ fwaɗ.
Mantsa tama,
ka vriŋtá Yesu ta həŋ dzagha taŋ.
10 Gi tahula tsa,
ka sliʼaftá tsi ka lam da kwambalu nda duhwalha ni,
ka laghu həŋ ta haɗika *Dalmanuta.
Ɗaway la Farisa ta mazəmzəm da Yesu
11 Manda ɓhadaghata taŋ,
ka sliʼadaghatá la *Farisa slanaghata,
ka zlərɗ həŋ ta skwiha nda tsi,
kabga ta kumay həŋ ta mutsaftá ghurum ŋa ksaftá *Yesu,
ka həŋ nda tsi mantsa:
« Magaŋnamaga maga ta mazəmzəm ŋa maraŋta kazlay:
Da Lazglafta ta mutsa kagha ta ŋa gha ma mbraku kəʼa,
» ka həŋ.
12 Ka hlaftá Yesu ta hafu,
kaʼa mantsa:
« Kabgawu ta kəl mnduha ta na zamana na,
ka ɗawa magatá mazəmzəm katək na?
Kahwathwata ta mnaghunata yu,
haɗ sana mazəmzəm dzaʼa maranaŋta lu ta mnduha ta na zamana na wa,
» kaʼa nda həŋ.
13 Ka sliʼaptá tsi mataba tsa la Farisa ya ka laghu da kwambalu ŋa dzaʼa ta sana ɓla tsa drəf ya.
Zanapta duhwalha Yesu ta skwi maga Yesu
14 Ma tsa sliʼa taŋ ya,
ka zanaptá duhwalha ni ta klaftá buradi,
turtuktuk yeya buradi da həŋ ma kwambalu.
15 « Ɗasuwa ka kuni!
Nghawa ghəŋa ghuni da isa la *Farisa nda Hiridus,
» ka *Yesu zlahanaghatá həŋ.
16 Ka wuwisaku tsa duhwalha ni ya mataba taŋ.
« Zlah na kwala buradi kul haɗ da amu na yeya,
» ka həŋ.
17 Fslek ka tsa gwaɗa ya lam da sləməŋa Yesu.
Kaʼa nda həŋ mantsa:
« Kabgawu ta kəl kuni ka ndanu,
kabga kwala buradi kul haɗ da kaghuni na?
Ha gita,
haɗ mahizl ma ghəŋa ghuni ra?
Təŋtəŋa ni ghəŋa ghuni katək ra?
18 Ya wana mamu ira ghuni ní,
nu kul nghaŋtá kuni ta vli?
Wana mamu sləməŋa ghuni,
nu kul snaŋtá kuni ta sləməŋª?
Haɗ kaghuni ta havaktá skwi katək ra?
19 Ma fitika daganafta ɗa ta buradi hutaf ta mnduha dəmbuʼ hutaf,
kidaghi ndaghanafta kuni ta ghwanak nda paɗakwa vəl zay mnduha na?
» kaʼa nda həŋ.
« Ghwaŋpəɗ his həŋ,
» ka həŋ.ª
20 « A ki ma fitika daganafta ɗa ta buradi ndəfáŋ ta mnduha dəmbuʼ fwaɗ,
kidaghi ndaghanafta kuni ta tughba nda paɗakwa vəl zay mnduha guli?
» kaʼa nda həŋ.
« Ndəfáŋ həŋ,
» ka həŋ.ª
21 « Ka si mantsa tsi,
nu kwal kuni snaŋta tama?
» kaʼa nda həŋ.
Mbanafta Yesu ta mndu nda ghulpa ma Betsayda
22 Mantsa tama ka ɓhadaghatá i *Yesu nda duhwalha ni da luwa Betsayda.
Ka kladaghatá mnduha ta ghulpata mndu da Yesu.
Ka ndəɓu lu ta dzvu da tsi ŋa ksaŋta.
23 Ka ksaftá Yesu ta tsa mndu nda ghulpa ya ta dzvu,
ka klaghata tahula luwa.
Ka tfanaftá tsi ta sərɗək ta iri,
ka pghanaftá dzvu,
ka ɗaw tsi da tsi kazlay:
Nda ngha ka ta skwi ra?
kəʼa.
24 Ka gunaŋtá tsa ghulpa ta mndu ya ta iri.
« Nda ngha yu ta mnduha ta wawaku mndani ná,
ama manda fu manda fu ta ngha yu ta həŋ,
» kaʼa.
25 Ka pghəglaftá Yesu ta dzvuha ni ta iriha tsa mndu ya guli,
ka nghaŋtá tsa mndu ya ta vli tsuwaɗak.
Nda mba tama,
nda ngha ta dagata skwiha.
26 Mantsa tama,
« Yaha ka lami da huɗa luwa,
» kaʼa nda tsi,
ka ghuniŋta dzagha ni.
Kagha ná, Kristi ka, ka Piyer nda Yesu
27 Tahula tsa,
ka sliʼaftá *Yesu kawadaga nda duhwalha ni ka dzaʼa da sana luwaha ndusa ndusa ma luwa *Sezare Filip.
Ta lab həŋ ta tvi,
ka ɗaw tsi da duhwalha ni.
Kaʼa mantsa:
« Wa iʼi,
ka mnduha ta mnay na?
» kaʼa nda həŋ.
28 Ka həŋ mantsa:
« Yuhwana mnda maga batem ya ka sanlaha,
Iliya ya ka sanlaha,
sana mndu mataba la anabi ya ka sanlaha ta mnay nda kagha. »
29 « Kinawu ka kaghuni,
wayaka kaghuni ta mnay nda iʼi?
» kaʼa kay guli.
Ka *Piyer mantsa:
« Kagha na:
Kristiª ka,
» kaʼa nda tsi.
30 Ka zlahanaghatá Yesu ta həŋ ka ŋɗaŋɗa.
Kaʼa nda həŋ mantsa:
« Yaha yaha kuni da walaŋtá mnay mantsa ŋa mndu,
» kaʼa.
Mnay Yesu ta dzaʼa ni mtaku nda sliʼagaptani
31 Mantsa tama,
ka zlraftá *Yesu ta taghay ŋa duhwalha ni kazlay:
Dzaʼa ghuyapə ghuya *Zwaŋa mndu ta ɗaŋwa katakata.
Dzaʼa wuɗidiŋ wuɗa la galata mnduha,
nda maliha ta ghəŋa gwal ta dra skwi ŋa Lazglafta,
nda gwal tagha zlahu ŋa mnduha tani.
Dzaʼa dza dza lu,
baɗu mahkən,
ŋa sliʼagaptani nda hafu,
kaʼa.
32 Ka mnə tsi ta tsa gwaɗaha ya baŋluwa.
Ka ksaghutá *Piyer ta Yesu ta slərpa vli ka davanaghata.
33 Ka mbəɗavatá Yesu,
ka ngha duhwalha ni.
Ka ŋruhanaghatá tsi ta Piyer,
kaʼa nda tsi mantsa:
« Laghu la gha ta vata iʼi halawaya skwi na.
Haɗ ka ta ndanu manda ya ta kum Lazglafta wa.
Manda ndana mnduha ká ka ta ndanu,
» kaʼa nda tsi.
Fata duhwalha ta ghəŋa taŋ manda ŋa Yesu
34 Ka hagaktá *Yesu ta mnduha,
nda duhwalha ni tani,
ka mnay ŋa taŋ.
Kaʼa mantsa:
« Ka ta kumay mndu ta nzaku kawadaga nda iʼi katsi,
ba vziŋtani ta ghəŋa ni,
ka klay ni ta udza zləŋay ni,
ka dzaʼa ni mista ɗa.
35 Ka dzaʼa mbanaf mba yu ta hafa ɗa ka mndu katsi ná,
dzaʼa zaɗiŋ zaɗa tsa mndu ya ta hafa ni.
Mndu dzaʼa zaɗiŋtá hafa ni kabga iʼi,
nda ya kabga *Lfiɗa Gwaɗa ná,
dzaʼa mbanaf mba tsa mndu ya ta hafa ni.
36 Nu dzaʼa ghəzlanata mutsafta mndu ta na ghəŋa haɗik na tender,
ka nda zaɗa hafa ni na?
37 Nu dzaʼa vlata mndu ŋa vara hafa ni na?
38 Ya wana ka dmaku mnduha ta na zamana na,
ka sliʼiŋ ka sliʼiŋ həŋ da Lazglafta.
Ka kwalaghu kwala mndu ta mnaŋtá hga ɗa nda gwaɗa ɗa guli ta kəma tsa mnduha ya katsi,
iʼi *Zwaŋa mndu guli ná,
dzaʼa kwalaghu kwala yu ta mnaŋtá tsa mndu ya baɗu vragata ɗa kawadaga nda duhwalha nda ghuɓa ta luwa ma glakwa Lazglafta. »