Mbsak 26

1 ka Yawe nda Musa, nda ya nda Ilghazar, zwaŋa Haruna mnda dra skwi ŋa Lazglafta mantsa:2 « Ka mbəɗafta kuni ta mbsaka inda guyatá ghəŋa la Israʼila ta həga ta həga, inda gwal hisambsak ima taŋ ka laghwa ni ta kəma, inda gwal ma Israʼila ta pərɗaftá maga slna gwal vulu, » kaʼa.3 Ka mnanatá i Musa nda Ilghazar mnda dra skwi ŋa Lazglafta ta həŋ ma daɓiha Muwav ta wa Yardeŋ, mbəŋ nda Yeriku. Ka həŋ mantsa:4 « Dzaʼa mbəɗaf mbəɗa lu ta zgwana ta klaftá imi hisambsak ka laghwa ni ta kəma, manda ya mnanaf Yawe ta Musa, » ka həŋ. Wya la Israʼila ta sliʼagapta ma haɗika Masar:

5 Rubeŋ, zumala Israʼila. Zivira Rubeŋ: Ma Hanuk saba mndəra la Hanuk ta uʼa taŋ. Ma Palu saba mndəra la Palu ta uʼa taŋ. 6 Ma Hetsruŋ, saba mndəra la Hetsruŋ ta uʼa taŋ. Ma Karmi saba mndəra la Karmi ta uʼa taŋ. 7 Tsaha ya la Rubeŋ ta uʼa taŋ. Mbsaka taŋ ná, zgwana dəmbuʼ fwaɗ mbsak hkən mida nda ndəfáŋ dərmək nda hkən mbsak (43.730) həŋ. 8 Zivira Palu na: Iliʼav. 9 Zivira Iliʼav na: Nemuʼel, nda i Dataŋ, nda Aviram.

Tsa Dataŋ ya, nda tsa Aviram ya gwal zabap guyatá ghəŋ. Hahəŋ zlərɗa wi nda i Musa nda Haruna ya kay. Mista bakwa Kurah hahəŋ ma sliʼanafta taŋ ta gwaɗa nda Yawe. 10 Ka gunatá haɗik ta wi ka ndutá həŋ, nda Kurah tani, manda rwatá tsa baku mista ni ya, ta zutá vu ta mnduha his dərmək nda hutaf mbsak (250). Ka nzakw həŋ ka skwa gray. 11 Ama rwu a zwana Kurah wa.

12 Zivira Simghuŋ ta uʼa taŋ: Ma Nemuʼel saba mndəra la Nemuʼel ta uʼa taŋ. Ma Yamiŋ, saba mndəra la Yamiŋ ta uʼa taŋ. Ma Yakiŋ, saba mndəra la Yakiŋ ta uʼa taŋ. 13 Ma Zerah, saba mndəra la Zerah ta uʼa taŋ. Ma Saʼul, saba mndəra la Saʼul ta uʼa taŋ. 14 Tsaha ya mndəra la Simghuŋ ta uʼa taŋ zgwana dəmbuʼ hisambsak his mida nda his dərmək (22.200) həŋ.

15 Zivira Gat ta uʼa taŋ: Ma Tsəfuŋ saba mndəra la Tsəfuŋ ta uʼa taŋ. Ma Hagi saba mndəra la Hagi ta uʼa taŋ. Ma Suni saba mndəra la Suni ta uʼa taŋ. 16 Ma Uzni saba mndəra la Uzni ta uʼa taŋ. Ma Gheri saba mndəra la Gheri ta uʼa taŋ. 17 Ma Arut, saba mndəra la Arut ta uʼa taŋ. Ma Areli saba mndəra la Areli ta uʼa taŋ. 18 Tsaha ya mndəra la Gat ta uʼa taŋ. Mbsaka taŋ ná, dəmbuʼ fwaɗ mbsak nda hutaf dərmək (40.500) həŋ.

19 Zivira Yahuda: I Gher nda Unaŋ. Ka rwutá həŋ ta haɗika Kanʼana. 20 Wya zivira Yahuda ta uʼa taŋ: Ma Sela saba mndəra la Sela ta uʼa taŋ. Ma Perets, saba mndəra la Perets ta uʼa taŋ. Ma Zerah, saba mndəra la Zerah ta uʼa taŋ. 21 Zivira Perets: Ma Hetsruŋ, saba mndəra la Hetsruŋ ta uʼa taŋ. Ma Hamul, saba mndəra la Hamul ta uʼa taŋ. 22 Tsaha ya mndəra Yahuda ta uʼa taŋ. Mbsaka taŋ ná, dəmbuʼ ndəfáŋ mbsak mkuʼ mida nda hutaf dərmək (76.500) həŋ.

23 Zivira Yisakar ta uʼa taŋ: Ma Tulagh, saba mndəra la Tulagh ta uʼa taŋ. Ma Puva, saba mndəra la Puva ta uʼa taŋ. 24 Ma Yasuv, saba mndəra la Yasuv ta uʼa taŋ. Ma Simruŋ, saba mndəra la Simruŋ ta uʼa taŋ. 25 Tsaha ya mndəra la Yisakar ta uʼa taŋ. Mbsaka taŋ ná, dəmbuʼ mkuʼ mbsak fwaɗ mida nda hkən dərmək (64.300) həŋ.

26 Zivira Zəvuluŋ ta uʼa taŋ: Ma Seret, saba mndəra la Seret ta uʼa taŋ. Ma Iluŋ, saba mndəra la Iluŋ ta uʼa taŋ. Ma Yahləʼel, saba mndəra la Yahləʼel ta uʼa taŋ. 27 Tsaha ya mndəra la Zəvuluŋ ta uʼa taŋ, mbsaka taŋ ná, dəmbuʼ mkuʼ mbsak nda hutaf dərmək (60.500) həŋ.

28 Zivira Yusufu ta uʼa taŋ na: I Mənase nda Ifrayim. 29 Zivira Mənase: Ma Mahir, saba mndəra la Mahir ta uʼa taŋ, ka yatá Mahir ta Gilghat. Ma Gilghat, saba mndəra la Gilghat ta uʼa taŋ. 30 Wya Zivira Gilghat: Ma Ighazər, saba mndəra la Ighazər ta uʼa taŋ. Ma Helek, saba mndəra la Helek ta uʼa taŋ. 31 Ma Asriʼel, saba mndəra la Asriʼel ta uʼa taŋ. Ma Sekem saba mndəra la Sekem ta uʼa taŋ. 32 Ma Səmida, saba mndəra la Səmida ta uʼa taŋ. Ma Hefer, saba mndəra la Hefer ta uʼa taŋ. 33 Tsəlufəhat zwaŋa Hefer ná, mutsaf a tsatsi ta zwaŋa zgun wu, kuʼaha yeya mutsaf tsi. Kwagha Tsəlufəhat ná, wya hga taŋ: Mahla, nda Nugha, nda Hugla, nda Milka, nda Tirtsa. 34 Tsaha ya mndəra la Mənase ta uʼa taŋ. Mbsaka taŋ ná, dəmbuʼ hutaf mbsak his mida nda ndəfáŋ dərmək (52.700) həŋ.

35 Wya Zivira Ifrayim ta uʼa taŋ: Ma Sutelah, saba mndəra la Sutelah ta uʼa taŋ. Ma Beker, saba mndəra la Beker ta uʼa taŋ. Ma Tahaŋ, saba mndəra la Tahaŋ ta uʼa taŋ. 36 Wya Zivira Sutelah: Ma Ghayraŋ, saba mndəra la Ghayraŋ ta uʼa taŋ. 37 Tsaha ya mndəra la Ifrayim ta uʼa taŋ. Mbsaka taŋ ná, dəmbuʼ hkən mbsak his mida nda hutaf dərmək (32.500) həŋ. Tsaha ya zivira Yusufu ma mbəɗaftá mbsak taŋ ta uʼa taŋ ta uʼa taŋ.

38 Zivira Biŋyamiŋ ta uʼa taŋ: Ma Bela, saba mndəra la Bela ta uʼa taŋ. Ma Asbel saba mndəra la Asbel ta uʼa taŋ. Ma Ahiram, saba mndəra la Ahiram ta uʼa taŋ. 39 Ma Sfufam, saba mndəra la Sfufam ta uʼa taŋ. Ma Hufam, saba mndəra la Hufam ta uʼa taŋ. 40 Zwana Bela ná, tsaha ya i: Arət nda Naghamaŋ. Ma Arət, saba mndəra la Arət ta uʼa taŋ. Ma Naghamaŋ saba mndəra la Naghamaŋ ta uʼa taŋ. 41 Tsaha ya zivira Biŋyamiŋ ma mbəɗaftá mbsak taŋ ta uʼa taŋ. Mbsaka taŋ ná, dəmbuʼ fwaɗ mbsak hutaf mida nda mkuʼ dərmək (45.600) həŋ.

42 Zivira Daŋ ta uʼa taŋ: Ma Suham, saba mndəra la Suham ta uʼa taŋ. Tsaha ya mndəra la Daŋ ta uʼa taŋ, ma mbəɗaftá mbsak taŋ ta uʼa taŋ. 43 Gwagwatá mndəra la Suham ta uʼa taŋ ná, dəmbuʼ mkuʼ mbsak fwaɗ mida nda fwaɗ dərmək (64.400) həŋ.

44 Zivira Aser ta uʼa taŋ: Ma Yimnah, saba mndəra la Yimnah ta uʼa taŋ. Ma Yisvi, saba mndəra la Yisvi ta uʼa taŋ. Ma Bərigha saba mndəra la Bərigha ta uʼa taŋ. 45 Gwal ta sabi ma Bərigha: Ma Ghever, saba mndəra la Ghever ta uʼa taŋ. Ma Malkiyel, saba mndəra la Malkiyel ta uʼa taŋ. 46 Hga makwa Aser ná, tsaya Serah. 47 Tsaha ya mndəra la Aser ta uʼa taŋ. Mbsaka taŋ ná, dəmbuʼ hutaf mbsak hkən mida nda fwaɗ dərmək (53.400) həŋ.

48 Zivira Naftali ta uʼa taŋ: Ma Yahtseʼel, saba mndəra la Yahtseʼel ta uʼa taŋ. Ma Guni saba mndəra la Guni ta uʼa taŋ. 49 Ma Yetser saba mndəra la Yetser ta uʼa taŋ. Ma Sillem, saba mndəra la Sillem ta uʼa taŋ. 50 Tsaha ya mndəra la Naftali ta uʼa taŋ. Ma fitika mbəɗaftá mbsaka taŋ ná, dəmbuʼ fwaɗ mbsak hutaf mida nda fwaɗ dərmək (45.400) həŋ. 51 Tsaha ya mbsaka la Israʼila: Dəmbuʼ mkuʼ dərmək nda turtuk nda ndəfáŋ dərmək nda hkən mbsak (601.730) həŋ.

52 Ka Yawe nda Musa mantsa: 53 « Ŋa taŋ dzaʼa dagapta lu ka haɗik ka skwa za həga taŋ taɓ mbsaka mnduha ni. 54 Gwal dagala mbsaka taŋ ya, dagala dzaʼa vlaŋta ka ta haɗika za həga taŋ. Ka kiʼa mbsaka taŋ, kiʼa dzaʼa vlaŋta ka ta ŋa həŋ. Inda taŋ, dzaʼa vlaŋ vla lu ta haɗika za həga taŋ taɓta mbsaka taŋ. 55 Nda ma vzaftá vindima kweŋkweŋ dzaʼa dagapta lu ta tsa haɗik ya. Dzaʼa mutsay həŋ ta mayaka taŋ taɓta mbsaka mnduha taŋ, nda ma mndəra taŋ. 56 Vindima dzaʼa mnaŋtá haɗika za həga inda mndu ma dagay mataba gwal dagala həŋ ma mndəra taŋ, nda gwal kwitikw həŋ ma mndəra taŋ, » kaʼa.

Mahisa mbəɗaftá la Levi

57 Wya mbsaka la Levi ma mbəɗaftá həŋ ta uʼa taŋ: Ma Gersuŋ, saba mndəra la Gersuŋ ta uʼa taŋ. Ma Kehat, saba mndəra la Kehat ta uʼa taŋ. Ma Mərari, saba mndəra la Mərari ta uʼa taŋ. 58 Wya mndəra la Levi ta uʼa taŋ: La Livni ta uʼa taŋ, la Hevruŋ ta uʼa taŋ, la Mahli ta uʼa taŋ, la Musi ta uʼa taŋ, la Kurah ta uʼa taŋ.

Kehat ta yatá Amram. 59 Markwa Amram ná, Yukevet hga ni, makwa Levi, ya Levi nda markwa taŋ ma Masar. Ka yanatá tsa marakw ya ta Amram ta i Haruna, nda Musa, nda Miryam. 60 Ka yata Haruna ta i Nadav, nda Avihuʼ, nda Ilghazar, nda Itamar. 61 Ka rwutá i Nadav nda Avihuʼ ma play taŋ ta ghəŋ ta kəma Yawe nda dzibata vu. 62 Mbsaka la Levi na: Dəmbuʼ hisambsak hkən mida (23.000) həŋ, mbəɗafər lu ta zgwana, sliʼafta ni ta imi ka tili turtuk ka laghwi ta kəma. Mbəɗaf a lu ta hahəŋ kawadaga nda hamata la Israʼila wu, kabga haɗ haɗika za həga vlaŋ lu ta hahəŋ mataba la Israʼila wa.

63 Tsaha ya gwal mbəɗaf i Musa nda Ilghazar mnda dra skwi ŋa Lazglafta ma fitika mbəɗafta taŋ ta la Israʼila ma daɓiha Muwav ta wa Yardeŋ mbəŋ nda Yeriku. 64 Mataba tsa la Israʼila si mbəɗaf i Musa nda Haruna mnda dra skwi ŋa Lazglafta ta mtaka Sinay ya ná, haɗ mndu dər turtuk ta pɗata nda hafu mataba taŋ ma mbəɗglaftá həŋ ka mahis wa. 65 Tsaw si mnana mna Yawe kazlay na: « Dzaʼa rwu rwa həŋ ma mtak, » kəʼa. Mantsa tama, haɗ ya ta pɗata dər turtuk wu, ba i Kalep zwaŋa Yəfune, nda Yəhusuwa zwaŋa Nuŋ kweŋkweŋ.