Zivira Nuhu
10
1 Wya rusa ta ghəŋa zwana Nuhu, i Sem, nda Ham, nda Yafet. Tahula luta ima zlakwa luwa, ka yayatá həŋ ta zwani: 2 Zwana Yafet na: I Gwamer, nda Magwagw, nda Maday, nda Yavaŋ, nda Tubal, nda Mesek, nda Tiras ya. 3 Zwana Gwamer na: I Askenaz, nda Rifat, nda Tugarma ya. 4 Zwana Yavaŋ guli na: I Ilisa, nda Tarsis, nda la Kitim, nda la Rudaŋ ya. 5 Mndəra tsa mnduha ya gwal ta yavafta, ka nzanzatá həŋ ta kwakwarha ta wa drəf. Ka dagavaptá həŋ ta haɗika taŋ ta haɗika taŋ, nda gwaɗa taŋ nda gwaɗa taŋ, ta mndəra taŋ ta mndəra taŋ, ta uʼa taŋ ta uʼa taŋ. 6 Zwana Ham na: I Kus nda Masar, nda Put, nda Kanʼana ya.7 Zwana Kus na: I Seva, nda Havila, nda Savta, nda Raghma, nda Savteka ya. Zwana Raghma na: I Sava nda Dedaŋ ya. 8 Kus ta yatá Nimrud guli. Tsa Nimrut ya ta nzakway ka taŋtaŋa mndu ta mbruta ta haɗik. 9 Ka nzata Nimrut ka mnda raya nda mbra ta wa ira Yawe. Hada saba tsa gwaɗa mnə lu kazlay na: « Mnda raya nda mbra ta wa ira Yawe manda Nimrud, » kəʼa ya. 10 Taŋtaŋa luwaha ya gə Nimrud ta mgham ta ghəŋa ni ná, tsaya Babila, nda Irek, nda Akat, nda Kalne. Inda tsa luwaha ya ná, ta haɗika Singhar həŋ. 11 Ka sliʼaftá tsi ta tsa haɗik ya, ka laghwi ta haɗika Asur. Ka baftá tsi ta luwa Ninive, nda Rehuvutʼir, nda Kalah, 12 nda Reseŋ ma takataka Ninive nda Kalah luwa dagala ya.
13 Masar dzidza la Luda, nda la Ghanam, nda la Lehav, nda la Naftu, 14 nda la Patrus, nda la Kasəlu, nda la Kaftur. Ma mndəra la Kasəlu saba la Filisti.
15 Ka yatá Kanʼana ta zumala ni Tsiduŋ, yaha ta Het. 16 Kanʼana dzidza la Yəbus, nda la Amuru, nda la Girgis, 17 nda la Hiv, nda la Gharka, nda la Siŋ, 18 nda la Arvat, nda la Tsəmara, nda la Hamat. Tahula tsa ka tatá la Kanʼana ta uʼa taŋ ta vgha.
19 Kuraghuta kwakwara haɗika la Kanʼana ná, tsaya sliʼafta ni daga ma Tsiduŋ ka laghwi təv Gerar ha ka lagha da Ghaza, ka lab təv Sədum nda Ghamura, nda Adma, nda Tsevuyim ha ka lagha da Lesa.
20 Mantsa ya yagapta lu ta zivira Ham, ta uʼa taŋ ta uʼa taŋ, nda gwaɗa taŋ, nda gwaɗa taŋ, nda haɗika taŋ nda haɗika taŋ, nda la taŋ nda la taŋ.
21 Sem mala Yafet ya guli, ka yayatá tsi ta zwani. Tsatsi dzidza Ghever nda inda zivira ni. 22 Zwana Sem na: I Ilam, nda Assur, nda Arpaksat, nda Luda, nda Aram ya. 23 Zwana Aram na: I Ghuts, nda Hul, nda Geter, nda Mas ya. 24 Ka yatá Arpaksat ta Selah. Ka yatá Sela ta Ghever. 25 Ka yayatá Ghever ta zwani his: Pelegª hga zumali, kabga ma tsa fitik ya dgavapta inda mnduha ta haɗik. Yuktaŋ hga sagəŋa ni. 26 Ka yayatá Yuktaŋ ta Almudat, nda Selef, nda Hatsarmavet, nda Yarah, 27 nda Haduram, nda Uzal, nda Dikla, 28 nda Ghuval, nda Abimaʼel, nda Sava, 29 nda Ufir, nda Havila, nda Yuvav. Inda tsa hahəŋ ya zwana Yuktaŋ ya. 30 Ka nzatá həŋ daga ma Mesaʼ ha ka labi ta vata ghwá Sefar nda ma mndəra luwa. 31 Mantsa ya yagapta lu ta zivira Sem, ta uʼa taŋ ta uʼa taŋ, nda gwaɗa taŋ nda gwaɗa taŋ, nda haɗika taŋ nda haɗika taŋ, nda la taŋ nda la taŋ.
32 Mantsa ya yagapta zwana Nuhu ta uʼa taŋ ta uʼa taŋ, manda ya mbəɗaf lu ta mndəra taŋ, ta la taŋ ta la taŋ. Ma hahəŋ yagapta inda mndu ta haɗik, tahula luta ima zlakwa luwa.